قىزىلوردا وبلىسىنا 465 ملن تەڭگە ينۆەستيتسيا تارتىلادى

بيىلعى جىلى شيەلى اۋدانىنىڭ ايماقتىق ۇيلەستىرۋ كەڭەسىنە ۇسىنىلعان جوبالىق قۇنى 465 ملن تەڭگەنى قۇرايتىن 4 جوبا جۇزەگە اسىرىلاتىن بولادى. بۇل تۋرالى اۋداندىق اكىمدىكتىڭ ءباسپاسوز قىزمەتى حابارلادى. بۇل قولعا الىناتىن جوبالار اراسىندا «شيەلى متس» جشس-نىڭ كۇرىش اقتاۋ زاۋىتى قۇرىلىسى جوباسى بار. ونىڭ جالپى قۇنى - 250 ملن تەڭگە. جۇزەگە اسىرۋ مەرزىمى 2016-2018 جىلدار. قۇرىلىس كەزىندە - 30, ىسكە قوسىلعاندا 40 جۇمىس ورنى اشىلادى. زاۋىتتىڭ قۋاتتىلىعى تاۋلىگىنە 60 توننا كۇرىش وڭدەۋ. جىلدىق قۋاتتىلىعى 7 مىڭ توننا اق كۇرىش, اقۇساق - 1850 توننا, كەبەك ۇنتاعى 1400 توننا شىعارۋ. بۇگىنگى كۇنى 5 گا جەر تەلىمىن الۋ جۇمىستارى جۇرگىزىلۋدە. سونىمەن قاتار «شيەلى-جولشى» ء(ا. ابدۋللاەۆ) جشس-نىڭ «تەمىر بەتون بۇيىمدارىن شىعارۋ جانە پايدالانۋ زاۋىتىنىڭ قۇرىلىسى» جوباسى جۇزەگە اسىرىلادى. جوبا قۇنى - 124 ملن تەڭگە, جاڭا جۇمىس ورىندارىمەن قۇرىلىس كەزىندە - 10 ادام, ىسكە قوسىلۋ كەزىندە 15 ادام قامتىلاتىن بولادى. قۋاتتىلىعى جىلىنا 2500 دانا پليتا شىعارۋ. بۇگىنگى كۇنى 5 گا جەر تەلىمىن الۋ جۇمىستارى جۇرگىزىلۋدە. جوبالار ساناتىنا «بەك-ترانس ستروي» (ب. ادىربەكوۆ) جشس-نىڭ «قۇرىلىس ماتەريالدارىن (شلاكوبلوك, اك تاس, پوليپروپيلەندى قاپشىق) ءوندىرۋ» جوباسى دا كىرەدى. جوبا قۇنى - 55 ملن. تەڭگە. جۇزەگە اسىرۋ مەرزىمى 2016-2018 جىلدار. قۇرىلىس كەزىندە 30, ىسكە قوسىلعاندا 26 جۇمىس ورنى اشىلادى. جىلدىق قۋاتتىلىعى اك تاس - 12 مىڭ توننا, پوليپروپيلەندى قاپشىق - 1 ملن دانا, شلاكوبلوك - 180 مىڭ دانا دەپ جوسپارلانىپ وتىر. سونداي-اق «ب.سىزدىقوۆ» «كولىك جانە اۋىل شارۋا­شىلىعىنا ارنالعان جابدىقتاردى ءجون­دەۋ مەن ەلەكتر قۇرالدارىن جيناقتاپ وڭدەۋ ءوندىرىسى» جوباسى. جوبانىڭ جالپى قۇنى - 36 ملن تەڭگە. جۇزەگە اسىرۋ مەرزىمى 2016-2018 جىلدار. قۇرىلىس كەزىندە - 15, ىسكە قوسىلعاندا 7 جۇمىس ورنى اشىلادى. قۋاتتىلىعى ايىنا جاسالاتىن جوندەۋ جۇمىستار سانى - 156, كورسەتىلەتىن تەحنيكالىق قىزمەت كورسەتۋ سانى - 182. بۇگىنگى كۇنى 5 گا جەر تەلىمىن الۋ جۇمىستارى جۇرگىزىلۋدە. تورگە وزعان ءتورت جوبا دا ءوڭىردىڭ ەكونوميكاسىنا جاڭا سەرپىن بەرەدى.