ەلىمىزدە مۇمكىندىگى شەكتەۋلى جاندارعا كيىم ازىرلەنەدى

ورتالىق كوممۋنيكتسيا قىزمەتىندە مۇگەدەك ادامدارىنىڭ الەۋمەتتىك-تۇرمىستىق جاعدايىن جاقسارتۋعا ارنالعان ءباسپاسوز ءماسليحاتى ءوتتى. وعان جەڭىل ونەركاسىپ كاسىپورىندار قاۋىمداستىعىنىڭ پرەزيدەنتى ليۋبوۆ حۋدوۆا مەن «دوس» تاۋەلسىز ءومىر» ورتالىعى مۇگەدەكتەر قوعامى بىرلەستىگىنىڭ اتقارۋشى ديرەكتورى ارداق وتورباەۆ قاتىستى. جيىندا ل.حۋدوۆا كەشە دەنساۋلىق ساۋقتاۋ جانە الۋەمەتتىك دامۋ مينيسترلىگى مەن جەڭىل ونەركاسىپ كاسىپورىندارى قاۋىمداستىعىنىڭ زاڭدى تۇلعالار بىرلەستىگى مۇگەدەك ادامداردىڭ الەۋمەتتىك-تۇرمىستىق جاعدايىن جاقسارتۋعا ارنالعان ىڭتىماقتاستىق تۋرالى مەموراندۋمعا قول قويعانىن اتاپ ءوتتى. «جەڭىل ونەركاسىپ كاسىپورىندار قاۋىمداستىعىنىڭ زاڭدى تۇلعالار بىرلەستىگى مۇمكىندىگى شەكتەۋلى ادامدارعا ارنالعان «Adaptive Clothing and Shoes» اتتى جوبانى اسىرۋعا كىرىستى», - دەدى ل.حۋدوۆا. ونىڭ ايتۋىنشا, مۇمكىندىگى شەكتەۋلى جاندار ءۇشىن قولايلى كيىمدەردىڭ جاپپاي ءوندىرۋ تاجىريبەسى قازاقستاندا بولعان ەمەس. «مۇگەدەك اربا پايدالانۋعا ءماجبۇر جاندار, تسەرەبرالدى سال اۋرۋعا شالدىققان بالالار, داۋن سيندرومىنا, امپۋتاتسياعا شالدىعان, بويى الاسا, سوقىر جانە كورۋ قابىلەتى تومەن ادامدار, باستارىنان راديكالدى ماستەكتوميا وتكەن ايلدەر, سونداي-اق قارت جانە ۋاقىتشا قوزعالا المايتىن ادامدار ارنايى قۇراستىرىلعان كيىمگە مۇقتاج», – دەدى  جەڭىل ونەركاسىپ كاسىپورىندار قاۋىمداستىعىنىڭ پرەزيدەنتى. مۇمكىندىگى شەكتەۋلى ادامدارعا ارنالعان دەميسەزوندى كوللەكتسيا جۇمساق, ەلاستيكالى توقىما ماتادان جاسالعان, بۇيىمدار جايلى, ەركىن قوزعالۋعا قولايلى. مۇگەدەكتىڭ ءوزى نەمەسە كۇتىشۋ پەرسونالعا جەڭىل كيىندىرۋ ءۇشىن بۇيىمداردا ارنايى دەتالدار مەن فۋنكتسيونالدىق تۇيشىكتەر قاراستىرىلعان. بۇيىمدار ۇلتتىق ويۋ-ورنەك, گۇلدەر, اڭ بەينەلەنگەن كەستەلەرمەن بەزەندىرىلگەن. مەموراندۋم شەڭبەرىندە, سونداي-اق, كەڭەستەر, سەمينار, القالى جينالىستار, بىرلەسكەن ءىس-شارالاردى ۇيىمداستىرۋ مەن وتكىزۋ قاراستىرىلعان. سونىمەن قاتار, مۇمكىندىگى شەكتەۋلى جاندارعا ارنالعان كيىمدەردى قۇراستىرۋدان ديزاينەرلەر اراسىندا كونكۋرس وتكىزىلەدى. داستان كەنجالين, «ەگەمەن قازاقستان»