استانادا قوعامدىق كولىككە تۇبەگەيلى رەفورما جۇرگىزىلدى

وسىنىڭ ارقاسىندا جولاقى تولەۋ جەڭىلدەپ, اۆتوبۋستار قوزعالىسىنىڭ جىلدامدىعى ارتتى. «2016 جىلى جالپى ۇزىندىعى 33,6 كم بولاتىن قالا كوشەلەرىنىڭ 11 ۋچاسكەسىندە  اۆتوبۋستاردىڭ قوزعالىسىنا ارنالعان جولاقتار ءبولىندى, ناتيجەسىندە قوزعالىستىڭ ورتاشا جىلدامدىعى 18%-عا ارتتى. جولاۋشىلارعا ىڭعايلى بولۋى ءۇشىن ەلەكتروندىق جولاقى تولەۋ جۇيەسى ەنگىزىلدى, اۆتوبۋستاردىڭ كەلۋى تۋرالى اقپارات بەرەتىن 108 ەلەكتروندىق تابلو ورناتىلدى, «Astra Bus» ۇيالى قوسىمشاسى ىسكە قوسىلدى, - دەپ حابارلادى بۇگىن ەلوردا اكىمدىگىندەگى كەڭەستە استانا اكىمى اسەت يسەكەشەۆ. سونىمەن بىرگە, جالپى ۇزىندىعى 14,7 كم قالانىڭ 6 كوشەسىندە بىرجاقتى قوزعالىس ەنگىزىلدى, ناتيجەسىندە كولىك اعىنىنىڭ قوزعالىس جىلدامدىعى 12-دەن 24 ك /ساع. دەيىن ارتتى, دەپ ءماىم ەتتى اكىمدىكتىڭ ءباسپاسوز قىزمەتى. مەملەكەتتىك-جەكە مەنشىك ارىپتەستىك ء(مجا) قولدانۋ اياسىن كەڭەيتۋ ءۇشىن بيۋدجەتتىك تيىمدىلىككە جانە تيىمدىلىك دەڭگەيىنە قاراپ, ەكونوميكانىڭ بىرقاتار سفەرالارىن قامتيتىن جوبالاردىڭ ءتىزىمى جاسالدى. «وسىعان بايلانىستى بارلىق قۇرىلىمدىق بولىمشەلەردىڭ باسشىلارىنا جوعارىدا اتالعان ءتىزىمدى قاراپ, ءمجا-ءنىڭ قاجەت قۇجاتتارىن ازىرلەۋ ءۇشىن باسىمدىقتى جوبالاردى ىرىكتەۋدى تاپسىرامىن», – دەپ اتاپ كورسەتتى اسەت يسەكەشەۆ.