كوكتەم وڭتۇستىكتەن باستالادى

ايتىپ وتىرعانىم, وڭتۇستىگىڭىزدە ناۋرىز مەرەكەسىنە دايىندىق الدەقاشان باستالىپ كەتكەن.  شىمكەنت قالاسى ءما­دەنيەت باسقارماسىنىڭ باستىعى مۇرات بازارقۇلوۆتىڭ كەڭ­سەسىنىڭ تۇندىگى جەلپىلدەيدى. قالانىڭ مادەنيەتىنە جاۋاپ­تىلاردىڭ ءبارى وسىندا. ناۋرىز مەرەكەسىن قالاي وتكىزۋدىڭ جوس­پارىن پىسىقتاۋدا. زاتى ورىس بولسا دا بول­مى­سى قازاق, ورىس دراما تەاترى­نىڭ باس رەجيسسەرى, ناۋرىز-دۋماننىڭ دا باس رەجيسسەرى يگور بەربيتسكي وڭەشىن سو­زىپ, ءبىر يدەيانى تىقپالايدى. ناۋ­رىز مەرەكەسى ستسەناريىنىڭ اۆتورى ءلايلا جۇماباەۆا قاعا­زىنا ۇڭىلەدى. رەجيسسەر جۇما­بەك ەسەنوۆتىڭ ءوز ويلاعانى بار. بىلتىر قالانىڭ ناۋرىز مەرەكەسى ءال-فارابي الاڭىندا وتكەن بولسا, بيىل 21 ناۋ­رىز­دا قالا سىرتىنداعى ا.اسقاروۆ اتىنداعى يپپودرومدا جال­عا­سا­دى. قازاقتىڭ ناۋرىزى ات جا­رى­سىن­­سىز ءوتۋشى مە ەدى. بايگە, كوكپار.  قىز قۋ. اۋدارىسپاق. يپپودروم ۇلتتىق ويىندارعا دايىن. سىرت الاڭقايداعى كوگالعا اقشاڭقان كيىز ۇيلەر تىگىلۋدە. “ناۋ­رىز-كەرۋەن” اتالاتىن دۋ­مان­نىڭ العاشقى 30-40 ءمينوتىن ارتىستەردىڭ كومەگىمەن تەاتر­لان­عان كورىنىستەر باستايدى. قازاق اۋىلى. جەلىدەگى ماما بيە, قۇ­لىن, كوگەندەگى قوزى-لاق. اۋەلە­گەن ءان, كۇمبىرلەگەن كۇي, حورەو­گرافيالىق توپ ءبيى. ءار كيىز ءۇي جا­نىنداعى جەروشاقتارداعى تاي­قازاندار قازاق قوناقجايلىلى­عىن تانىتادى. ناۋرىز-دۋماننىڭ ءتۇپ قازى­عى – مەملەكەت تاۋەلسىزدىگىنىڭ 20 جىلدىعى. قازاق اۋىلىنان باس­تالعان سالقار كوش قازاقستاننىڭ بۇگىنگى داۋىرلەگەن كەزەڭىنە بەتىن تۇزەيدى. – ءبىزدىڭ ەلىمىز كەيبىر مەم­لە­كەت­تەردىڭ ءجۇز جىلدا جەتەتىن جەتىستىكتەرىنە جيىرما جىلدا قول جەتكىزدى. مۇنى شەت ەلدەگى ساراپ­شى­لاردىڭ وزدەرى دە ايتىپ جا­تىر, – دەيدى قالا اكى­مى­نىڭ ورىن­باسارى باقادىر نا­رىمبەتوۆ. – حالىق وسى جاق­سى­لىقتاردى وبلىس ءومىرى­نەن دە كورىپ جاتىر. ءبىر وڭتۇستىك قازاقستان وبلىسىنىڭ بيۋدجەتى كورشى قىرعىزستان مەملەكەتىنىڭ جىلدىق بيۋدجەتىنەن اسىپ جات­قاندىعىنىڭ ءوزى وسىلاي دەگىزەدى. سوندىقتان, ناۋرىز-دۋماندا تاۋەلسىزدىگىمىزدىڭ تابىسى ەرەكشە كورسەتىلمەك. 22 ناۋرىز كۇنى ناۋرىز مەرەكەسى قالاداعى الاڭدار مەن سايا­باقتاردا جالعاسادى. وبلىستاعى 21 مادەني ۇلتتىق ورتالىق­تار­دىڭ وكىلدەرىنىڭ ناۋرىزعا داي­ىن­داپ جاتقان ءوز باعدارلامالارى بار. كۇن مەن ءتۇن تەڭەلەتىن, سا­مار­­قاننىڭ كوك تاسى ەريتىن ايتۋلى كۇنگە وبلىس دايىندىقتى باستاپ كەتتى. قالا, اۋدان ورتالىقتارى, اۋىلدار اپتا سايىن سەنبىلىكتەر وتكىزىپ, كوشەتتەر ەگىلىپ جاتىر. ناۋرىز – جىل باسى. بەرەكە, بىرلىكتىڭ, ىنتىماقتىڭ, دوس­تىق­تىڭ, العاۋسىز كوڭىلدىڭ, مەيى­رىمنىڭ تويى. كەمەلدەنگەن قازاق­ستاننىڭ تاۋەلسىزدىگىنە جيىرما جىل تولعان, وركەنيەتتى ەلدەرمەن تەرەزە تەڭەستىرگەن تورقالى تويى. ...كوكتەم ەرتە كەلەتىن وڭ­تۇستىك جىل باسىن قارسى الۋعا دايىندىقتى وسىلايشا باستاپ كەتتى. باقتيار تايجان. شىمكەنت.