بىرلەسكەن جۇمىس جالعاسادى

قازاقستاننان ەقىۇ پارلامەنتتىك اسسامبلەياسىنىڭ ۆيتسە-پرەزيدەنتى قاسىم-جومارت توقاەۆ بۇۇ-نىڭ جەنەۆاداعى ءبولىمىنىڭ جاڭا باس ديرەكتورى بولىپ تاعايىندالدى. ول – بۇل لاۋازىمداعى ازيانىڭ تۇڭعىش وكىلى. «توقاەۆ مىرزا پارلامەنتتىك اسسامبلەيا قىزمەتىنە اسا قۇندى ۇلەس قوستى جانە ءوز ەلى مەن اي­ماق مۇددەسىن كوتەرەتىن ما­ڭىزدى داۋىسقا يە بولدى. ءبىزدىڭ كوپ­تاراپتى ۇنقاتىسۋىمىزعا ول قوساتىن قوماقتى ۇلەس جەتىسپەيتىن بولادى, بىراق ءبىزدىڭ بىلۋىمىزشە, ول جاڭا لاۋازىمدا بەيبىتشىلىك پەن تۇراقتىلىقتى قولداۋ جونىندەگى اۋقىمدى ماسەلەلەر بويىنشا جۇمىستى جالعاستىرا بەرەدى», – دەدى ەقىۇ پا پرەزيدەنتى پەتروس ەفتيميۋ. ءوزىنىڭ جاڭا لاۋازىمىندا تو­قاەۆ مىرزا بۇۇ باس حاتشىسى پان گي مۋننىڭ قارۋسىزدانۋ كون­فەرەنتسياسى جونىندەگى جەكە وكىلى بولادى. قازاقستان ءوزىنىڭ ياد­رولىق قارۋلارىنان 90-جىل­دارى باس تارتقان بولاتىن. «ەقىۇ پارلامەنتتىك اس­سام­بلەيا­سىنداعى قازاقستان دە­لەگاتسياسىنىڭ باسشىسى رەتىندە توقاەۆ مىرزا ءوزىن كوپتاراپتى ديپلوماتيانىڭ سەنىمدى جاق­تاۋشىسى رەتىندە كورسەتتى. ءبىز ونىمەن بىرلەسكەن جۇمىستىڭ جالعاساتىنىنا جانە ءبىزدىڭ ورتاق كۇن ءتارتىبىمىز بويىنشا بۇۇ-مەن ىنتىماقتاستىعىمىز تەرەڭدەي تۇسەتىنىنە سەنەمىز»  دەدى ەقىۇ پا باس حاتشىسى سپەنسەر وليۆەر, دەپ حابارلادى پارلامەنت سەناتىنىڭ ءباسپاسوز قىزمەتى.