«امانات» پەن «قۇنانباي» MENAR فەستيۆالىنە قاتىسادى

بەلگىلى تاريحشى ەر­مۇ­حان بەكما­حانوۆ­تىڭ قيىن تاع­دىرىن بەينە­لەۋ­گە قۇ­رىل­عان ساتى­بال­دى نارىم­بەتوۆ­­­ءتىڭ «اماناتى» مەن دوس­حان جول­جاق­سىنوۆ ءتۇسىر­گەن «قۇنانباي» فيلم­­دەرى قاڭ­تاردىڭ 12-29 ار­­ا­لى­­عىندا بولگاريادا وتە­­ءتىن ءىح حالىقارالىق MENAR كينوفەستيۆالىنە قا­تى­­­سادى. ش.ايمانوۆ اتىن­­داعى «قازاقفيلم» كينو­­ستۋ­­­ديا­سىنىڭ ءونىم­دەرى كوپ­­شى­­لىككە «فوكۋس» باع­دار­­لا­ماسى اياسىندا كور­سەتىلەدى.  كەنەسارى حاننىڭ ازاتتىق قوزعا­لىسى تۋرالى تاريحي مونوگرافيا جازىپ, سول ءۇشىن قۋدالانعان كورنەكتى عالىمنىڭ تاعدىرى جايىندا تۋىندى كورەر­مەندەردىڭ دە, كينوسىنشىلاردىڭ دا كوڭىلىنەن شىققانى ەسىمىز­دە. «بالالىق شاعىم­نىڭ دون كيحوتى» (1978 ج), «كوزىم­نىڭ قاراسى» (1994 ج), «قىز­جى­لا­عان» (2002 ج), «مۇس­تافا شوقاي» (2008 ج) سىن­دى فيلمدەرىمەن رەجيس­سەرلىك قارى­مىن دالەل­دەگەن س.نارىم­بەتوۆتىڭ «اماناتى» «وسكار» جۇلدەسىنىڭ «ەڭ ۇزدىك شەت تىلىندەگى فيلم» تاڭدا­لى­مى­نا ۇسىنىلعان بولاتىن. ال دوسحان جولجاق­سىنوۆ­تىڭ تاريحي تۇلعاسى قايشىلىقتى پىكىرلەردەن دارالانا الماي كەلە جاتقان دالا كەمەڭگەرى قۇنانباي­دىڭ ءومىرى جاي­لى بايانداي­تىن «قۇنانباي» ءفيلمى كورەرمەنگە جول تارتقالى بىرقاتار الامان بايگەلەردە باق سىناپ ۇلگەردى.  بىلتىر العاشقى ۇلتتىق «تۇلپار» كينوبايگەسىندە توپ جارىپ, ءفيلمنىڭ اۆتورلارى ۇزدىك دەپ تانىلدى. 2016 جىلدىڭ قىركۇيەگىندە  اتالمىش كارتينا XII قازان حالىقارالىق مۇسىلمان كينوسى فەستيۆالى­نىڭ كونكۋرستىق باعدارلاماسىن­دا كورسەتىلىپ, ۋفادا وتكەن III حالىقارالىق «كۇمىس اقبوزات»  ۇلتتىق جانە ەتنيكالىق كينو­فەستيۆالىندە ءامىر ابدىرازاقوۆ اتىنداعى «ۇلتتىق رۋح» ءجۇل­دەسىن يەلەنگەن. سوفياداعى MENAR حا­لىق­­ارالىق كينوفەستيۆالى بالقان تۇبەگىندەگى ەڭ ءىرى مادەني وقي­عالاردىڭ ءبىرى بولىپ سانالادى. فەستيۆال جىل سايىن كورەرمەن قاۋىمدى مۇسىلمان الەمىنىڭ ءداستۇرى مەن مادەنيەتىن پاش ەتە­تىن فيلمدەرمەن تانىس­تىرا­دى. فەستيۆالدىڭ باعدار­لاما­سى اياسىندا قيىر شىعىستا, ور­تالىق ازيا ەلدەرى جانە سول­تۇس­تىك افريكادا ءتۇسىرىل­­گەن ۇزدىك كوركەم, دەرەكتى جانە قىس­­قامەتراجدى فيلمدەر دە كورەرمەن نازارىنا ۇسىنىل­ماق. قازاقستاندىق كارتينالار 14 قاڭتار كۇنى «ەۋروسينەما» كينوتەاترىندا اعىلشىن ءتىلىن­دەگى سۋبتيترلارمەن كورسە­تىلەتىن بولادى. ايگۇل احانبايقىزى, «ەگەمەن قازاقستان» الماتى