Lada-نىڭ بارلىق ۇلگىسى قىمباتتادى

«اۆتوۆاز» كولىك جاساۋشى كاسىپورنى قاڭتاردا Lada-نىڭ بارلىق ۇلگىسىنىڭ باعاسىن كوتەردى.  جاڭا باعا تۋرالى مالىمەت كومپانيانىڭ سايتىندا جاريالانىپ وتىر, دەپ حابارلايدى abctv.kz. اتاپ ايتقاندا, بازالىق جيىنتىقتاعى Lada Granta 1,6%-عا (389,9 مىڭ رۋبلگە دەيىن), Lada Kalina - 1%-عا (439,9 مىڭ رۋبلگە دەيىن), Lada Priora - 2,8%-عا (399,99 مىڭ رۋبلگە دەيىن), Lada 4X4 - 2,2%-عا (475,9 مىڭ رۋبلگە دەيىن), Lada Vesta - 3,2%-عا (545,9 مىڭ رۋبلگە دەيىن), Lada Xray - 1,9%-عا (599,9 مىڭ رۋبلگە دەيىن) قىمباتتادى. «اۆتوۆاز» ءباسپاسوز ورتالىعى  قاڭتاردا باعانىڭ كوتەرىلۋىنە قاتىستى تۇسىنىك بەرۋدەن باس تارتتى.  ەۋروپا بيزنەس قاۋىمداستىعىنىڭ مالىمەتى بويىنشا,  2016 جىلدىڭ قاڭتار-قاراشاسىندا «اۆتوۆاز» 238,666 مىڭ Lada كولىگىن ساتقان, بۇل  2015 جىلعى  ءدال وسىنداي كەزەڭدەگى كورسەتكىشتەن 2,8%-عا تومەن. دەگەنمەن  رەسەيدەگى  كولىك ءوندىرۋشىنىڭ ساۋداسى قاراشادا 18%-عا, 25,5 مىڭ كولىككە ارتقان. جەلتوقساننىڭ سوڭىندا سامارا وبلىسىنىڭ گۋبەرناتورى نيكولاي مەركۋشكين «اۆتوۆاز» ساۋداسى جەلتوقساندا 18% شاماسىندا بولادى دەپ ايتقان بولاتىن.