بۋراباي اۋداندىق سوتىنىڭ توراعاسى اۋىستى

اقمولا وبلىسى بۋراباي اۋداندىق سوتىنىڭ جاڭا توراعاسى تاعايىندالدى, دەپ حابارلايدىوبلىستىق سوتتىڭ ءباسپاسوز قىزمەتى. ءباسپاسوز قىزمەتىنىڭ مəلىمەتى بويىنشا, اقمولا وبلىستىق سوتىنىڭ توراعاسى ن.ابدىقانوۆ وبلىستىق سوتتىڭ جالپى وتىرىسىن وتكىزىپ, قازاقستان رەسپۋبليكاسى پرەزيدەنتىنىڭ جارلىعىمەن تاعايىندالعان بۋراباي اۋداندىق سوتىنىڭ توراعاسى ابزال بالابەكوۆتى تانىستىردى جانە اقمولا وبلىستىق سوتىنىڭ سۋدياسى الما ەسەنەەۆانى قۇرمەت وتستاۆكاسىنا كەتۋىمەن قۇتتىقتادى. «قازاقستان رەسپۋبليكاسى سوتتارىنىڭ توراعالارىن, سوت القاسىنىڭ توراعاسى مەن سۋديالارىن قىزمەتكە تاعايىنداۋ جانە قىزمەتتەن بوساتۋ تۋرالى» قر پرەزيدەنتىنىڭ 2016 جىلعى 30 جەلتوقسانداعى № 399 جارلىعىمەن اقمولا وبلىسى بويىنشا ابزال بالابەكوۆ ارشالى اۋداندىق سوتىنىڭ توراعاسى قىزمەتىنەن بوساتىلا وتىرىپ, بۋراباي اۋداندىق سوتىنا توراعا قىزمەتىنە تاعايىندالدى. اتالعان جارلىق بويىنشا قۇرمەت وتستاۆكاسىنا كەتۋىنە بايلانىستى اقمولا وبلىستىق سوتىنىڭ سۋدياسى  الما ەسەنەەۆا اتقاراتىن قىزمەتىنەن بوساتىلدى. وبلىستىق سوت توراعاسى سۋديانى قۇرمەت وتستاۆكاسىنا شىعارىپ سالا وتىرىپ, سوت جۇيەسىندە كوپ جىلعى جەمىستى ەڭبەگىنە العىسىن ءبىلدىرىپ, مىقتى دەنساۋلىق, وتستاۆكادا بەلسەندى ءومىر مەن تابىس تىلەدى. جاڭا تاعايىندالعان توراعاعا جۇمىسىنا تابىس تىلەپ, سوت تورەلىگىن اتقارۋدا جوعارى كورسەتكىشتەرگە جەتۋىنە تىلەك ءبىلدىردى»,  - دەپ كورسەتىلگەن حابارلامادا.