الماتىداعى الامانعا دايىندىق

ءوزىنىڭ شارىقتاۋ شەگىنە كەلىپ جەتتى اسقاق الاتاۋدىڭ باۋرايىنداعى اسەم قالا اياسىندا جالاۋ جەلبىرەتكەلى تۇرعان XXVIII دۇنيەجۇزىلىك قىسقى ۋنيۆەرسيادانىڭ سورەدەن شىعار شاعىنا 19 كۇن قالدى. بۇكىلالەمدىك ستۋدەنتتىك ويىندار مۇندا 29 قاڭتار مەن 8 اقپان ارالىعىندا وي­نالادى. الاماننىڭ باع­دارلاماسىندا مانەرلەپ سىر­عاناۋ, شورت-ترەك, تاۋ شاڭ­عىسى, سنوۋبورد, بياتلون, شاڭعى جارىسى, شايبالى حوككەي (ايەلدەر مەن ەرلەر اراسىندا), كەرلينگ, شاڭعىمەن ترامپليننەن سەكىرۋ, شاڭعى قوسسايىسى, كونكيمەن جۇگىرۋ, فريس­تايل سەكىلدى 12 سپورت ءتۇرى بار. جارىستارعا الەمنىڭ 55 ەلىنەن 2 مىڭعا جۋىق سپورت­شى قاتىسادى دەپ كۇتى­لۋدە. ولار 86 مەدالدار جيىنتىعىن ساراپقا سالا­دى. سونىمەن قاتار, ۋني­ۆەرسياداعا 3 مىڭ ەرىكتى, ونىڭ ىشىندە كوپتەگەن شەتەل­دىك ەرىكتىلەر قىزمەت كورسە­تەدى. جارىس كۇندەرى قالا­عا 30 مىڭنان استام وتان­دىق جانە شەتەلدىك تۋريس­تەر كەلەتىن بولادى. ۋنيۆەرسيادانى وتكىزۋگە 127 حالىقارالىق تورەشى مەن 600-گە جۋىق ۇلتتىق تەح­­نيكالىق ماماندار قا­تىس­تىرىلادى. ولاردى ءتو­رە­شىلەر القاسى ءاربىر سپورت ءتۇرىنىڭ ۇلتتىق جانە حالىق­ارالىق فەدەراتسيالارى بە­كىتەدى. جارىستار 8 سپورت نىسانىندا وتەدى. ولاردىڭ ارا­سىندا «شىمبۇلاق» تاۋ شاڭ­عىسى كۋرورتى, «مەدەۋ» مۇز ايدىنى, «سۇڭقار» حا­لىقارالىق شاڭعى ترام­پليندەرى كەشەنى, بالۋان شو­لاق اتىنداعى سپورت جانە مادەنيەت سارايى, «الا­تاۋ» شاڭعى جانە بيات­لون كەشەنى, «تاباعان» سپورت­تىق ويىن-ساۋىق كەشەنى, 12 مىڭ ورىندىق «ال­ماتى ارەنا» جانە 3 مىڭ ورىندىق «حالىق ارە­نا» سپورت كەشەندەرى بار. وسى كۇندەردە كوپ پروفيل­دى «الماتى ارەنا» كەشە­نىنە 850 مىڭنان استام ادام كەلۋگە ءتيىس. بۇدان باس­قا, اتلەتتەر اۋىلى قاتار­عا قوسىلدى. ول قىسقى ۋني­ۆەر­سيادا تاريحىنداعى ءبىرىن­شى وسىنداي نىسان بولىپ وتىر. قۇرىلىستاردىڭ 60 پايىزدان اسا بولىگىن قازاق­ستاندىق كومپانيالار جۇرگىزدى. وسى كەزەڭدە 1550 شاعىن جانە ورتا بيزنەس سۋبەكتىلەرى جۇمىسپەن قامتاماسىز ەتىلىپ, ولار 30 مىڭنان استام جۇمىس ورىندارىن تاۋىپ بەردى. ۋنيۆەرسيادانىڭ وپە­را­تسيالىق بيۋدجەتى 32 ميل­­ليارد تەڭگەدەن 17,9 ميللياردقا دەيىن قىسقار­تى­لىپ, شىعىن ەكى ەسەگە جۋىق ازايتىلدى. ويىن­داردى وپەراتسيالىق دايىن­داۋعا 5 مىڭ قىزمەتكەردى قامتىعان 200-دەن استام كومپانيا قاتىستى. ولار­دىڭ 80 پايىزىن الما­تى­لىقتار قۇرادى. ۋنيۆەرسيادا كۇندەرىندە مۇندا 181 جارىس پەن سوعان سايكەس 21 مادەني شا­را وتكىزىلەدى. جارىستار قاۋىپ­سىزدىگىن قام­تا­ماسىز ەتۋگە قۇقىق قورعاۋ ورگاندارىنىڭ 7 مىڭ قىزمەتكەرى اتسالىسادى. ستۋدەنتتەر اراسىنداعى سپورت ويىندارىنا 30 مىڭ­عا جۋىق وتاندىق جانە شەتەلدىك تۋريست كەلەدى دەپ كۇتىلۋدە. سايىستاردى الەم­نىڭ 80 ەلىندەگى 1 ملرد ادام تەلەديدار ارقىلى تاماشالايدى.