ينستيتۋتتىق رەفورمالار حالىق قولداۋىنا يە

وڭتۇستىك قازاقستان وبلىسىندا جۇمىس بابىنداعى ساپارمەن جۇرگەن پارلامەنت سەناتى توراعاسىنىڭ ورىنباسارى بەكتاس بەكنازاروۆ پەن سەناتور ءالي بەكتاەۆ ايماق اكىمى جانسەيىت ءتۇي­مەباەۆپەن كەزدەستى, دەپ حابارلادى سەناتتىڭ ءباسپاسوز قىزمەتى. وڭتۇستىك قازاقستان وبلى­سىنىڭ اكىمى سەناتورلاردى وب­لىستىڭ الەۋمەتتىك-ەكونومي­كالىق دامۋى تۋرالى اقپاراتپەن تانىستىردى. ج.تۇيمەباەۆ وبلىستا اۋىل شارۋاشىلىعى قىزۋ قارقىنمەن دامىپ كەلە جاتقانى, ايماقتا جىلىجايلار سانى ارتا تۇسكەنى, ماقتا ءوسىرۋ سالاسىندا دا ءىرى جوبالار ىسكە اسىرىلعانى تۋرالى ايتتى. سەناتورلار تۇركىستان قالا­سىنىڭ تۇرعىندارىمەن كەزدە­سۋدە پارلامەنتتىڭ زاڭ شى­عارۋ قىزمەتى تۋرالى اڭگىمە­لەدى. ب.بەكنازاروۆ «100 ناقتى قا­دام» ۇلت جوسپارىن, سونداي-اق, ەلىمىزدىڭ الەۋمەتتىك-ەكونو­ميكالىق دامۋىنىڭ نەگىزگى با­عىتتارى بەلگىلەنگەن ستراتەگيا­لىق باعدارلامالاردى ىسكە اسىرۋعا ارنالعان جۇزدەن استام زاڭداردىڭ قابىلدانعانىن اتاپ ءوتتى. توراعا ورىنباسارى پارلا­مەنت قابىلداعان تاريحي قۇجات – قا­زاقستان تاۋەلسىزدىگىنىڭ 25 جىل­دىعىنا ارنالعان دەك­لاراتسياعا تۇركىستان تۇرعىندارىنىڭ نازارىن اۋداردى. ب.بەكنازاروۆ شيرەك عاسىردا ەلىمىزدە اۋقىمدى ەكونو­ميكالىق, ساياسي جانە الەۋ­مەتتىك سالاداعى وزگەرىستەر بولعا­نىن اتاپ ءوتتى. «پرەزيدەنت ن.ءا.نازارباەۆتىڭ ساياسي ەرىك-جىگەرى مەن ستراتەگيالىق كوز­قا­راستارى ەلىمىزدىڭ دامۋىندا قا­زاقستاندىق تابىستى جولدى ناقتى بەلگىلەپ, ءوسىپ-وركەندەۋگە مۇمكىندىك بەردى», – دەدى توراعا ورىنباسارى. پارلامەنت قابىلداعان زاڭداردى تۇسىندىرە كەلىپ, ب.بەك­نازاروۆ «جايىلىمدار تۋرالى» جانە «قازاقستان رەسپۋب­لي­كا­سىنىڭ كەيبىر زاڭنامالىق اكتى­لەرىنە جايىلىمداردى پايدا­لانۋ ماسەلەلەرى بويىنشا وزگە­رىستەر مەن تولىقتىرۋلار ەنگىزۋ تۋرالى» زاڭ جوبالارىنىڭ ەرە­جە­لەرى تۋرالى ايتىپ بەردى. ول زاڭدارداعى ورمان, سۋ قورىن پاي­دالانۋ, سونداي-اق ەرەكشە قورعا­لاتىن تابيعي اۋماقتارداعى جەرلەردەن ءشوپ شابۋ جانە وندا مال جايۋعا قاتىستى ەرەجەلەردى ودان ءارى جەتىلدىرۋ كوزدەلىپ وتىرعانىن ءتۇسىندىردى. جەرگىلىكتى ءوزىن ءوزى باسقارۋ تۋرالى زاڭعا جايىلىمداردى باسقارۋ مەن پايدالانۋ ماسەلەلەرى بويىنشا شەشىمدەردى تالقىلاۋ مەن قابىلداۋعا ازاماتتاردى تارتۋعا باعىتتالعان ەرەجەلەر قوسىلاتىن بولادى. كەزدەسۋ بارىسىندا اي­ماق جۇرت­شىلىعى وسى سالانى جەتىل­دىرۋ تۋرالى ءوز ۇسى­نىس­­تارىن ايتىپ, ينستيتۋتتىق رەفور­مالارعا قولداۋ ءبىلدىردى جانە ولاردى ءىس­كە اسىرۋعا بەل­سەن­دى قاتىسۋعا ءازىر­لىكتەرىن جەتكىزدى.