ءوڭىر باسشىسىمەن پىكىر الماستى

پارلامەنت سەناتىنىڭ دەپۋتاتتارى راشيت اكىموۆ پەن جابال ەر­عا­ليەۆ اقمولا وبلى­سىنىڭ اكىمى سەرگەي كۋ­لاگينمەن كەزدەسىپ, پىكىر الماستى. – وتكەن جىلدى اقمو­لا­لىقتار تابىستى قورى­تىن­دىلادى. ديقاندار قاۋىمى 5,7 ميلليون توننا استىق  جي­ناپ, اۋىل شارۋاشىلىعى سا­لا­سىنىڭ جالپى ءونىمى رەكورد­تىق 300 ميلليارد تەڭگەگە جەتتى, – دەدى س.كۋلاگين. سەناتورلار پارلامەنت سەناتىنىڭ اتقارعان جۇ­مىس­تارى تۋرالى جانە قابىل­دانعان زاڭ جوبالارى جايلى ايتىپ بەردى. كوكشەتاۋ قالاسىنداعى «قازاقستان اگرويننو­ۆا­تسيا­لىق كورپوراتسيا» جاۋ­اپ­كەرشىلىگى شەكتەۋلى سەرىك­تەستىگىندە بولعان سەناتور­لار كوپ سالالى اۋىل شارۋا­شىلىعى تەحنيكاسىن قۇ­راستىرۋ جايىمەن تا­نىستى. مۇندا بەلارۋس جانە رە­سەي وندىرىستەرىنەن اكە­لىنە­تىن دايىن ونىمدەردەن اۋىل شارۋاشىلىعى جانە كوم­مۋنالدىق شارۋا­شىلىق­قا قاجەتتى تەحنيكا قۇراس­تى­رى­لادى. جوبانىڭ جالپى قۇ­نى 3375 ميلليون تەڭگەنى قۇ­رايدى. سەناتورلار ءوندىرىس ماماندارىمەن, جۇمىسشىلارىمەن پىكىر الماسىپ, ەلىمىزدە ۇدە­مەلى يندۋستريالاندىرۋ با­عىتىندا جۇرگىزىلىپ جاتقان جۇمىستارعا مەملەكەت تاراپىنان كورسەتىلىپ وتىرعان قولداۋ مەن كومەكتەر جايلى كەڭىنەن ايتىپ بەردى. باقبەرگەن امالبەك, «ەگەمەن قازاقستان» اقمولا وبلىسى