كومبينات جۇمىسىمەن تانىستى

الماتىداي ۇلكەن شاھاردا «اقساي نانىن» جەمەيتىن ادام نەكەن-ساياق بولار. ويتكەنى, 200-دەن استام نان-توقاش ءتۇرىن پىسىرەتىن كومبينات ونىمدەرىنىڭ ءدامىن قازىر الماتىلىقتار عانا ەمەس, تالدىقورعان, استانا, قىزىلوردا, اقتاۋ, شىمكەنت, تاراز قالالارىنىڭ تۇرعىندارى دا تاتىپ وتىر. پارلامەنت ءماجىلىسى توراعاسىنىڭ ورىنباسارى, «نۇر وتان» پارتياسى فراك­تسياسىنىڭ جەتەكشىسى گۇلميرا ءيسىم­باەۆا, ءماجىلىس دەپۋتاتتارى – سەرىك سەيدۋمانوۆ, ءجا­ميلا نۇرمانبەتوۆا, سەرىك قۇ­سايىنوۆ, گۇلنار بيجانوۆا, ولگا شيشيگينا الماتى قا­لا­سىنداعى اسا قۋاتتى جانە ءىرى كاسىپورىننىڭ بىرىنەن سانالاتىن «اقساي نان» ونىمدەرى كومبيناتىنىڭ تسەحتارىن ارالاپ, جۇمىس ۇدەرىسىمەن تانىستى. كەزدەسۋدە ءماجىلىس دەپۋتات­تارى الدىمەن مەملەكەتتىك باع­دارلامالار تۋرالى ءسوز قوزعادى. «بۇل باعىتتا 500 ميلليوننان اسا شارۋاشىلىق نىساندارى ءوز كۇشتەرىن بىرىكتىرە الادى. بىزگە ۋاقىت تالابىنا ساي جاڭا يننوۆاتسيالىق تەحنو­لوگياعا نەگىزدەلگەن, اۋىل شارۋا­شى­لىعىنىڭ بارلىق ءونىم تۇرلەرىن وڭدەپ, پايداعا اسىراتىن سوڭعى ءۇل­گىدەگى اگروونەركاسىپتىك يندۋستريانى دامىتۋ قاجەت. بۇل جاڭا باعدارلاما, مىنە, ءدال وسى ماق­ساتتى كوزدەيدى», – دەدى گ.ءيسىم­باەۆا. «اقساي نان» كومبيناتى قىزمەت­كەرلەرىنىڭ قويعان ساۋ­ال­دارىنا جاۋاپ بەرىلدى. سون­داي-اق, دەپۋتاتتار سوڭعى جىل­دارى ەل پارلامەنتىندە اگرو­ونەر­كا­سىپ سالاسىن دامىتۋعا باعىت­تال­عان بىرقاتار جاڭا زاڭدار قابىل­دانعانىن اتاپ ايتتى. دەپۋتاتتار, سونداي-اق, پاتەر يە­لەرى كووپەراتيۆتەرى مەن تۇرعىن ءۇي-كوم­مۋنالدىق شارۋا­شىلىق ماسە­لەلەرىنە ارنال­عان كەڭەي­تىلگەن جيىنعا قاتى­سىپ, ءال-فارا­بي اتىنداعى قازاق ۇلت­تىق ۋني­ۆەر­سيتە­تىنىڭ پرو­فەس­سورلىق-وقىتۋ­شىلار قۇ­رامىمەن كەزدەستى. ايناش ەسالي, «ەگەمەن قازاقستان» الماتى