بۇرىن-سوڭدى جاۋماعان قار

سوڭعى جىلدارى ەلوردانىڭ كليماتتىق جاعدايى كۇرت وزگەرىپ, ادەتتەن تىس سۋىق اۋا رايىمەن, بۇرقاسىندارمەن جانە قاردىڭ قالىڭ تۇسۋىمەن ەرەكشەلەندى. اتاپ ايتقاندا, بيىل قالادا بۇرىن-سوڭدى بولماعان مولشەردە قار جاۋ­دى, دەپ حابارلادى استانا اكىمدىگىنىڭ ءباسپاسوز قىزمەتى. سينوپتيكتەردىڭ حابارلاۋىنشا, مۇنداي قالىڭ قار ەلوردادا سوڭعى ون جىلدا جاۋماعان. 2016 جىلعى 13 قازان مەن 2017 جىلعى 3 قاڭتار ارالىعىندا قار پوليگوندارىنا 2 ملن تەكشە مەتر قار شىعارىلعان. ال جالپى جينالعان قاردىڭ كولەمى ءۇش ملن تەكشە مەترگە جۋىقتادى. وتكەن جىلداردىڭ حرونولوگياسى بويىن­شا بۇل كورسەتكىشتەر جينالعان قار­دىڭ كولەمىنەن بىرنەشە ەسە ارتىق. بۇرىنعى جىلدارعا جۇرگىزىلگەن تالداۋ كورسەتىپ وتىرعانداي, 2014 جىلى 3,2 ملن توننا, 2015 جىلى 3,4 ملن توننا, ال 2016 جىلى 2,9 ملن توننا قار شىعارىلعان. قازىرگى ۋاقىتتا كوممۋنالدىق جانە جەدەل قىزمەتتەردىڭ بارلىق كۇشتەرى قالانى سانيتارلىق تازارتۋ جۇمىستارىنا باعىتتالعان. ەڭ ال­دىمەن, الەۋمەتتىك ماڭىزدى نىسان­دار­دىڭ اۋماقتارى – مەكتەپتەر, اۋرۋ­حانالار, بالاباقشالار, جاياۋ جۇرگىنشى جولدارى جانە قوعامدىق كولىك جۇرەتىن جولدار تازارتىلۋدا. تۇرعىن ۇيلەردىڭ اۋلالارى مەن ورامىشىلىك تەلىمدەردىڭ اۋماعىن جەرگىلىكتى پيك-تەر ءوز كۇش­تەرىمەن تازارتادى. جالپى, مەحانيكالاندىرىلعان جۇمىستارعا 2177 ارنايى تەحنيكا, قولمەن جيناۋ جۇمىستارىنا 2708 ادام تارتىلدى.