اۋرۋحانا ورتالىق جىلۋ جۇيەسىنە قوسىلدى

سەمەيدەگى جەدەل جاردەم اۋرۋحاناسى 2013 جىلى پايدالانۋعا بەرىلگەن. الەۋمەتتىك نىسان ورتالىقتاندىرىلعان جىلۋ جۇيەسىنە بيىل عانا قوسىلدى. ءاۋ باستا وسى اۋرۋحانانى اشقان كەزدە ەلەكتر قۋاتى ارقىلى جىلۋمەن قامتىلۋى ءتيىس دەگەن جوبا بەكىتىلىپ كەتىپتى. بىراق بۇل ءتيىمسىز بولدى, بار بولعانى ەكى-ءۇش جىل ىشىندە جىلۋ اقىسى ميلليونداپ ءوسىپ, مەملەكەت قازىناسىنا وراسان زور شىعىن اكەلگەن. ناقتى ايتساق, اۋرۋحانا بۇعان دەيىن جىلۋعا ايىنا شامامەن 37-40 ملن تەڭگە تولەپ كەلىپتى. 2015 جىلى وبلىس باسشىسى دانيال احمەتوۆ اۋرۋحانا ۇجىمى ءوتىنىش جاساعاننان كەيىن, بىردەن وسى جاعدايدى تىكەلەي نازارىنا الىپ, جىلۋدى ورتالىقتاندىرىلعان جۇيەگە قوسۋ قاجەتتىگىن جانە سول ءۇشىن بۇرىن بولماعان جىلۋ قۇبىرلارىن تارتۋدى ۇسىندى. وبلىس باسشىسىنىڭ تاپسىرماسىنان كەيىن قىسقا مەرزىمدە جو­بالىق-سمەتالىق قۇجاتتاما داي­ىندالىپ, اۋرۋحانانى جاقىن ماڭ­دا­عى «5-ينتەرنات» قازاندىعىنا قو­سۋ جۇمىستارى باستالدى. ءسوي­تىپ, ۇزىندىعى 2 700 مەتر جى­لۋ جەلىسى تارتىلىپ, اۋرۋحانا ور­تا­لىق­تاندىرىلعان جىلۋ جۇيە­سى­­نە قوسىلدى. بيىلدان باستاپ جى­لۋ ءۇشىن جۇمسالاتىن شىعىننىڭ كو­لەمى 5-6 ەسەگە ازاياتىن بولىپ وتىر. – بۇرىندارى اي سايىن جىلۋعا 40 ملن تەڭگەدەي تولەپ كەلدىك. ەندى بيىلدان باستاپ ايىنا 6-7 ملن تەڭگە عانا تولەيمىز دەگەن ءۇمىتىمىز بار, – دەدى جەدەل مەديتسينالىق ورتالىق ديرەكتورى قاينوللان مۋسين. – بۇرىن بارلىق قاراجاتتى جىلۋعا بەرىپ قويىپ, قاراپ وتىراتىنبىز. بۇل وتە ءتيىمسىز بولدى. ەندى ۇنەمدەلگەن قارجى ناۋقاستاردى ەمدەۋگە, اۋرۋلاردىڭ الدىن الۋعا, اۋرۋحاناعا جاڭا تەحنولوگيالار مەن دارىلىك پرەپاراتتار الۋعا جۇمسالاتىن بولدى. ەڭ الدىمەن, ءوز اتىمنان جانە ۇجىم اتىنان وسى ۋشىققان ماسەلەنى باستى نازارىنا الىپ, دۇرىس شەشىم جاساعان وبلىس اكىمى دانيال احمەتوۆكە العىسىمىزدى ايتامىز. اۋرۋحانا 325 ورىنعا ارنالعان. وبلىستاعى ەڭ ءىرى ەمدەۋ مەكەمەسى قازىرگى زامانعى مەديتسينا تالاپ­تارىنا ساي جۇمىس ىستەپ تۇر. مۇن­داعى گەماتولوگيالىق بولىمدە قا­زىر 16 ادام ەم قابىلداپ جاتىر. ورتا­لىق­تاندىرىلعان جىلۋ جۇيە­سى­نە قوسىلعاننان بەرى اۋرۋحانا ءىشى ءبىر­قالىپتى جىلى. – دارىگەرلەردىڭ قىزمەت كورسەتۋى كو­ڭىلىمىزدەن شىعادى, – دەيدى ەم­دەلۋشى تامارا بوريسوۆنا, – پالاتا­لار دا جىلىنىپ قالدى. وسىندا ءبىر جىل بۇرىن جىلۋعا كوڭىلىم تولماعان ەدى. ەم قابىلداپ جاتىرمىز. ءبارى ۇنايدى. قىزمەت ساپاسى دا دۇرىس. راۋشان نۇعمانبەكوۆا سەمەي