سەنىم گراموتاسىن تاپسىردى

15 ناۋرىزدا تەھراندا قازاقستان ەلشىسى ب. امىرەەۆ يران پرەزيدەنتى م.احمادينەجادقا سەنىم گراموتاسىن تاپسىردى, دەپ حابارلادى قر ءسىم-ءىنىڭ ءباسپاسوز قىزمەتى. سالتاناتتى راسىمنەن كەيىن بولعان پىكىر الماسۋ بارىسىندا م. احمادينەجاد يران قازاقستاندى ارادا تەرەڭ تاريحي بايلانىستار ورنىققان, باۋىرلاس جانە دوستاس مەملەكەت رەتىندە قاراستىراتىن­دىعىن اتاپ كورسەتتى. ول قازاق­ستان مەن يران ەكى ەلدىڭ مۇددە­سى­مەن قاتار, كەڭ وڭىرلىك سەرىكتەستىك ءۇشىن ىسكە اسىرۋعا تۇرارلىق وراسان زور ەكونوميكالىق الەۋەتكە يە, ءىرى ايماقتىق دەرجاۆالار ەكەندىگىن باسا كورسەتتى. وسىعان وراي ول ەكى­جاق­تى قاتىناستاردى نىعايتۋعا با­عىتتالعان قازاقستان پرەزيدەنتى نۇرسۇلتان نازارباەۆتىڭ تالماس تالپىنىستارى ءۇشىن ۇلكەن العى­سىن ايتىپ, بۇل قاتىناس­تار­دىڭ بو­لاشاقتا دا ۇزدىكسىز جالعاسىن تابا­تىندىعىنا ءۇمىت ءبىلدىردى. ءوز كەزەگىندە ب.امىرەەۆ قا­زاق­ستان ارقاشاندا يراندى ءداس­تۇرلى تۇردە تاتۋ-ءتاتتى كور­شىلىك باي­لا­نىس­تار ورناعان دوستاس مەم­لەكەت جانە ماڭىزدى ءارىپ­تەس رەتىندە قاراس­تىراتىن­دىعىنا توقتالدى. قازاقستاندىق ديپلومات ەكى­جاق­تى ءوزارا ارەكەتتەستىكتىڭ ما­ڭى­ز­دى ماسەلەلەرىنىڭ ءبىرى كاسپي تە­ڭىزى مارتەبەسىنىڭ تۇپكىلىكتى شەشىلۋى جانە ورتالىق ازيا ەلدەرى مەن يران اراسىنداعى ساۋدا اينا­لى­مىن ۇلعايتىپ قانا قويماي, سو­نى­مەن بىرگە, تاياۋ شىعىس اي­ماعى ءجا­نە پارسى شىعاناعى مەملەكەتتەرىن رەسەيمەن جانە ەۋروپا ەلدەرىمەن تىكەلەي بايلانىس­تىرۋ­عا مۇمكىندىك تۋعىزاتىن وزەن – گىزىلگاي – بەرەكەت – ەترەك – گورگان تەمىر جو­لىن تەزىرەك ىسكە قوسۋ ەكەندىگىن ايتتى.