تەلەفون ارقىلى سويلەستى

قازاقستان پرەزيدەنتى نۇرسۇلتان نازارباەۆ بۇۇ باس حاتشىسى پان گي مۋنمەن تەلەفون ارقىلى سويلەستى. اڭگىمە بارىسىندا مەملەكەت باسشىسى بۇۇ باس حاتشىسىمەن حالىقارالىق وزەكتى ماسەلەلەردى, ونىڭ ىشىندە ماعريب ەلدەرىندەگى, تاياۋ شىعىس پەن ورتالىق ازياداعى جاعدايدى تالقىلادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. پان گي مۋن قازاقستاننىڭ بەل­سەندى جانە سىندارلى سىرتقى ساياسي قىزمەتى ءۇشىن ريزاشى­لى­عىن ءبىلدىردى. اتاپ ايتقاندا, بۇۇ باس حاتشىسى قازاقستاننىڭ ەقىۇ-عا تابىستى توراعالىعىن جانە وسى ۇيىمنىڭ ءسامميتىن استانادا جوعارى دەڭگەيدە وتكىز­گەنىن اتاپ كورسەتتى. پان گي مۋن قازاقستان پرە­زي­دەنتىنىڭ قاسىم-جومارت توقاەۆ­تى بۇۇ جۇيەسىندەگى باسشىلىق قىزمەتكە ۇسىنۋ تۋرالى ۇسىنىسى بۇۇ تاراپىنان مۇقيات قارال­عا­نىن حابارلادى. قازاقستاننىڭ حالىقارالىق قاۋىپسىزدىكتى, يادرو­لىق قارۋدى تاراتپاۋ رەجىمىن نى­عايتۋعا قوسقان ايتۋلى ۇلەسىن, ەلدىڭ الەۋمەتتىك-ەكونوميكالىق دامۋداعى جانە سىرتقى ساياسات­تا­عى تابىستارىن ەسكەرە وتىرىپ, بۇۇ باس حاتشىسى قاسىم-جو­مارت توقاەۆتى بۇۇ-نىڭ جەنە­ۆا­داعى ءبولىمىنىڭ باس ديرەكتورى قىز­مەتىنە تاعايىنداۋ تۋرالى شەشىم قابىلدانعانىن ايتتى. ءوز كەزەگىندە, نۇرسۇلتان نازارباەۆ پان گي مۋننىڭ 2010 جىلى قازاقستانعا جاساعان ەكى ساپارىنىڭ ماڭىزدىلىعىن اتاپ ءوتىپ, بۇۇ باس حاتشىسىنا 29 تا­مىزدى يادرولىق سىناقتارعا قار­سى ءىس-قيمىلدىڭ حالىقارالىق كۇنى دەپ جاريالاۋ تۋرالى قازاق­ستان­نىڭ باستاماسىنا قولداۋ كورسەت­كەنى ءۇشىن ريزاشىلىعىن ءبىلدىردى. نۇرسۇلتان نازارباەۆ پان گي مۋندى سەمەي سىناق پولي­گونى­نىڭ جابىلعانىنىڭ 20 جىل­دى­عىنا ارنالاتىن حالىقارالىق كون­فەرەنتسياعا قاتىسۋعا شاقىر­دى. بۇۇ باس حاتشىسى بۇل شا­قىرۋ ءۇشىن العىس ايتىپ, ۇسى­نىستى زەيىن سالىپ قاراۋعا ۋادە ەتتى.