قر ءسىم حابارلاعانداي, كىتاپتى قازاقستان رەسپۋبليكاسىنىڭ ۋكرايناداعى ەلشىلىگىنىڭ قولداۋىمەن ۋكراينالىق پۋبليتسيست, قازاقستان-ۋكراينا قاتىناستارى مەملەكەتارالىق ينستيتۋتىنىڭ ديرەكتورى نيكولاي ستەپانەنكو ازىرلەگەن. اۆتور ءوز ەڭبەگىندە تاۋەلسىز قازاقستاننىڭ قالىپتاسۋ كەزەڭدەرىنە, مەملەكەتتىڭ دامۋ ستراتەگياسىنا باسا نازار اۋدارعان. كىتاپتا قازاقستاندىق-ۋكراينالىق ىنتىماقتاستىق بولاشاعىنا ەرەكشە كوڭىل بولىنگەن. قازاقستاننىڭ ۋكرايناداعى ەلشىسى سامات ورداباەۆ ءوز سوزىندە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ ەگەمەن قازاقستاننىڭ قالىپتاسۋىنداعى ءرولىن اتاپ ءوتتى. ءىس-شاراعا ۋكراينالىق قوعامنىڭ بەلگىلى وكىلدەرى قاتىستى.
