فورۋمعا وڭىردەگى بەلسەندى ۇكىمەتتىك ەمەس ۇيىمداردىڭ وبلىستىق دەپارتامەنتتەر مەن باسقارما باسشىلارى, قوعامدىق كەڭەس مۇشەلەرى, ءماسليحات دەپۋتاتتارى, ارداگەرلەر, ەتنومادەني بىرلەستىكتەر مەن كاسىپوداق ۇيىمدارى, بارلىق اۋدانداردىڭ وكىلدەرى, كاسىپكەرلەر قاتىستى. القالى جيىندى قىسقاشا كىرىسپە ءسوز سويلەپ اشقان وبلىس اكىمى بەردىبەك ساپارباەۆ ءوڭىردىڭ قوعامدىق – ساياسي ومىرىندەگى ۇكىمەتتىك ەمەس ۇيىمداردىڭ رولىنە توقتالدى. ولاردىڭ تاۋەلسىزدىكتىڭ 25 جىلدىعى اياسىندا ۇيىمداستىرىلعان 200 مىڭنان استام ادامدى قامتىعىن 4 مىڭعا جۋىق شارانىڭ ءوز دارەجەسىندە وتۋىنە وزىندىك ۇلەستەرىن قوسقانىن اتاپ ءوتتى.
جيىندا بايانداما جاساعان وبلىستىق ىشكى ساياسات باسقارماسىنىڭ باسشىسى ەربول نۇرعاليەۆتىڭ ايتۋىنشا, ۇكىمەتتىك ەمەس ۇيىمداردىڭ جوبالارىن مەملەكەتتىك الەۋمەتتىك تاپسىرىس اياسىندا قارجىلاندىرۋ كولەمى جىلدان-جىلعا ارتىپ كەلەدى. 2015 جىلى وبلىس بويىنشا مەملەكەتتىك الەۋمەتتىك تاپسىرىس 123 432 مىڭ تەڭگە بولسا, بيىل قارجىلاندىرۋ كولەمى 216 ميلليون تەڭگەنى قۇراعان. -قازىرگى تاڭدا وبلىستا 600-گە جۋىق كوممەرتسيالىق ەمەس ۇيىم تىركەلگەن, ولار – قوعامدىق بىرلەستىكتەر, قوعامدىق قورلار, زاڭدى تۇلعالار بىرلەستىگى. سولاردىڭ 110-عا جۋىعى بەلسەندى جۇمىس ىستەيدى.وبلىس تۇرعىندارىنىڭ 46 پايىزى ۇەۇ-دىڭ قىزمەتىن پايدالانعان. بۇل وڭىردەگى ازاماتتىق ينستيتۋتتار دامۋىنىڭ كورسەتكىشى بولىپ تابىلادى,-دەدى ول.
بەلگىلى قوعام قايراتكەرى, «ۇلت تاعدىرى» قوعامدىق بىرلەستىگىنىڭ توراعاسى دوس كوشىم ءسوز الىپ, ۇكىمەتتىك ەمەس ۇيىمداردىڭ الەۋمەتتىك سالاعا كوبىرەك ارالاساتىنىن, قوعامدىق-ساياسي باعىتتا بەلسەندىلىك تانىتپايتىنىن, سونداي-اق, قازاق ءتىلدى ۇكىمەتتىك ەمەس ۇيىمداردى وقىتۋ جانە دامىتۋ كەمشىن ءتۇسىپ جاتاتىنىن اتاپ ءوتتى. «اقتوبە قالاسىنىڭ سال اۋرۋىنا شالدىققان ازاماتتاردى قولداۋ ورتالىعى» قوعامدىق بىرلەستىگىنىڭ ءتورايىمى ق.بايمەنوۆا, «ەر-باقىت» پاتريوتتىق –سپورتتىق كلۋبى» قوعامدىق بىرلەستىگىنىڭ توراعاسى مارات قويلىباەۆ جانە ۇكىمەتتىك ەمەس ۇيىمدار مەن بيزنەس وكىلدەرى ءسوز سويلەپ, تاۋەلسىزدىك جىلدارىنداعى ۇەۇ-دىڭ دامۋ كەزەڭدەرىنە توقتالدى, ۇەۇ-دىڭ دامۋى مەن پروبلەمالارى, مەملەكەتتىك ورگاندارمەن جانە بيزنەس وكىلدەرىمەن ءوزارا قارىم-قاتىناس ماسەلەلەرى ءجايلى ويلارىن ورتاعا سالدى.
فورۋم اياسىندا ازاماتتىق قوعام ينستيتۋتتارى جەتىستىكتەرىنىڭ كورمەسى مەن 2017 جىلعا ارنالعان جاڭا ۇزدىك جوبالاردىڭ تۇساۋكەسەرى وتكىزىلدى. وڭىردەگى ازاماتتىق قوعام ينستيتۋتتارىن دامىتۋعا جانە ماڭىزدى الەۋمەتتىك پروبلەمالاردى شەشۋگە بەلسەنە اتسالىسقان 15 ۇيىم جەتەكشىسى گراموتالارمەن, العىس حاتتارمەن ماراپتتالىپ, باعالى جانە اقشالاي سىيلىقتارعا يە بولدى. جيىندا ۇستىمىزدەگى جىلدىڭ 25 قاراشاسىندا استانادا وتەتىن ءVىI ازاماتتىق فورۋمعا قاتىساتىن دەلەگاتتار سايلاندى. ساتىبالدى ءساۋىرباي, «ەگەمەن قازاقستان» سۋرەتتەردى تۇسىرگەن حايرەدەن راۋشانوۆ. اقتوبە.
