«قازاقستان حالىق بانكىنىڭ» جاڭا عيماراتى اشىلدى

بۇگىن وڭتۇستىك قازاقستان وبلىسىنىڭ اكىمى جانسەيىت تۇيمەباەۆ «قازاقستان حالىق بانكى» اق ديرەكتورلار كەڭەسىنىڭ توراعاسى الەكساندر پاۆلوۆ پەن باسقارما توراعاسى ءۇمىت شاياحمەتوۆامەن كەزدەستى. تاراپتار, ءوزارا اڭگىمەدە وڭتۇستىكتىڭ ءاربىر ءۇشىنشى تۇرعىنى اتالعان بانكتىڭ تۇتىنۋشىسى ەكەنىن العا تارتىپ, ونىڭ ەلدىڭ ەكونوميكاسى مەن حالىقتىڭ ءال-اۋقاتىن كوتەرۋدەگى ۇلەسىنە توقتالدى, دەپ حابارلايدى BNews.kz. «قازاقستان حالىق بانكىنىڭ» ەلگە قىزمەت كورسەتۋ جونىنەن كوشباسشى بانكتەردىڭ ءبىرى ەكەنىنە توقتالعان ءوڭىر باسشىسى بۇگىنگى اشىلاتىن جاڭا عيماراتتىڭ زامان تالابىنا ساي قىزمەت ەتەتىنىنە سەنىم ءبىلدىردى. ءوز كەزەگىندە, مارتەبەلى مەيماندار دا ايماق باسشىسىنا العىسىن ءبىلدىرىپ, ەكىجاقتى بىرلەسە جۇمىس ىستەۋگە دايىن ەكەنىن جەتكىزدى. «قازاقستان حالىق بانكىنىڭ» بۇگىنگى اشىلعان جاڭا عيماراتى ەل تاۋەلسىزدىگىنىڭ 25 جىلدىق مەرەيتويىنا جاسالعان ادەمى سىي دەپ ەسەپتەيمىن. بۇگىندە حالقىمىزعا 40-تان استام فيليالدارى ارقىلى قىزمەت ەتىپ جاتقان بانك ۇجىمى ءاربىر تۇتىنۋشىعا لايىقتى قىزمەت كورسەتەدى دەپ ويلايمىن. قارجىلىق ينستيتۋتتاردىڭ ىشىندە ابىرويلى كوش باستاپ تۇرعان «حالىق بانكىندەگى» قىزمەت كورسەتۋ تۇرلەرىنىڭ كوبەيىپ, ساپاسى ارتاتىنىنا كامىل سەنىمدىمىن», – دەدى قۇتتىقتاۋ سوزىندە ج.تۇيمەباەۆ. قازىرگى تاڭدا بانكتىڭ وڭتۇستىك قازاقستان وبلىستىق فيليالدارىندا 700-گە جۋىق ماماندار ەڭبەكتەنۋدە. قىزمەتكەرلەردىڭ ەڭبەك جاعدايلارىن بارىنشا جاقسارتۋ ءۇشىن جانە ايماقتاعى بيزنەستىڭ دامۋ سۇرانىستارىنا ساي كەلۋى ءۇشىن بانكتىڭ توپ-مەنەدجمەنتى فيليالدىڭ جاڭا وفيسكە كوشۋى تۋرالى شەشىم قابىلدادى. سوڭعى 12 جىلدا 8 ايماقتىق فيليالدارىندا, اتاپ ايتقاندا, اقتوبە, قاراعاندى, استانا, قوستاناي, سەمەي, پاۆلودار, وسكەمەن جانە شىمكەنت قالالارىندا جاڭا عيماراتتاردىڭ قۇرىلىسى جۇرگىزىلدى. وسى جىلدىڭ 9 ايىنىڭ قورىتىندىسى بويىنشا «قازاقستان حالىق بانكى» قازاقستاندىق كوممەرتسيالىق بانكتەر اراسىندا كىرىسى مول بانك بولىپ تابىلدى. بانكتىڭ قارجىلىق ينستيتۋتى Fitch Ratings-دان BB; Standard&Poor`s-دان BB جانە Moody's Investors Service-تەن ۆا2 حالىقارالىق رەيتينگتىك اگەنتتىكتەردەن بەرىلگەن, قازاقستاندىق ەكىنشى دەڭگەيلى بانكتەر اراسىنداعى رەيتينگى ەڭ جوعارىلاردىڭ ءبىرى بولىپ تابىلادى. 2016 جىلدىڭ شىلدە ايىندا Euromoney حالىقارالىق باسىلىمىندا حالىق بانكى ۇزدىك قارجىلىق ينستيتۋتى دەپ تانىلدى. ال وسى جىلدىڭ قىركۇيەك ايىندا «قازاقستان حالىق بانكى» اق قايىرىمدىلاردىڭ رەيتينگىنە ەنىپ, قازاقستاندىق كوممەرتسيالىق بانكتەرىنىڭ اراسىندا 1-ءشى ورىندى يەلەندى. سونىمەن قاتار, Vlast ينتەرنەت-جۋرنالىنىڭ نۇسقاسى بويىنشا «ەلدىڭ 25 ءىرى قايىرىمدىلىق جاساۋشىلارى» رەيتينگىنە كىردى.