ەلەكتر بايلانىسىنىڭ حالىقارالىق كەڭەسى كەشە اقپاراتتىق-كوممۋنيكاتسيالىق تەحنولوگيالاردىڭ جاڭا دامۋ كورسەتكىشتەرىن جاريالادى, دەپ حابارلايدى بۇۇ جاڭالىقتار ورتالىعى. قازاقستان IT-كوممۋنيكاتسيانىڭ دامۋى بويىنشا الەمدىك رەيتينگتە 52-ورىندا تۇر. العاشقى بەستىككە كورەيا رەسپۋبليكاسى, يسلانديا, دانيا, شۆەيتساريا مەن ۇلىبريتانيا كىرگەن.
ءبىر ايتا كەتەرلىگى, قازاقستان تمد ەلدەرى ىشىندە بۇل كورسەتكىش بويىنشا ءۇشىنشى ورىندا تۇر. الەمدىك رەيتينگتە بەلارۋس 31-ءشى, رەسەي 43-ورىنعا جايعاسىپ, تمد ىشىندە سايكەسىنشە ءبىرىنشى جانە ءۇشىنشى ورىن الدى.
باياندامادا 2016 جىلدىڭ سوڭىنا قاراي جەر شارىنىڭ 95 پايىزى ۇيالى بايلانىس سيگنالدارىمەن قامتىلاتىنى ايتىلعان. ساراپشىلاردىڭ ايتۋىنشا, پلانەتامىزداعى 15-74 جاستاعى ادامداردىڭ 85 پايىزى ۇيالى بايلانىستى قولدانادى.
سونىمەن قاتار الەمنىڭ 47 پايىزى ينتەرنەتكە قوسىلعان جانە 3,9 ملرد ادام ونى مۇلدەم قولدانبايدى.
