داۋرەن اباەۆ اقپاراتتىق قاۋىپسىزدىكتىڭ كەمشىن تۇستارىن اتادى

قازاقستان تاۋەلسىزدىگىنىڭ 25 جىلدىعىنا ارنالعان ساراپشىلاردىڭ كەزەكتى كەزدەسۋىندە اقپارات جانە كوممۋنيكاتسيالار ءمينيسترى داۋرەن اباەۆ اقپاراتتىق قاۋىپسىزدىككە قاتىستى سۇراققا جاۋاپ بەردى, دەپ xابارلايدى قازاقپارات. «اشىعىن ايتايىن, مەن ءوزىم «اقپاراتتىق قاۋىپسىزدىك» دەگەن ءسوزدى ۇناتپايمىن. سەبەبى ونىڭ ماعىناسى كەڭ. سوندىقتان اقپاراتتىق قاۋىپسىزدىك ماسەلەسىن كوتەرگەندە, الدىمەن, ونىڭ استارىندا نەنىڭ جاتقانىن انىقتاپ العان ءجون. مەنىڭشە, ءبىزدىڭ اقپاراتتىق قاۋىپسىزدىگىمىزدىڭ اقساپ تۇرعان ءبىر جەرى – «سۇر تارەلكالاردىڭ» قىزمەتى. ولار – تازا شەتەلدىك ارنالاردى كورسەتەتىن سپۋتنيكتىك تاباقتار. دەگەنمەن, ءدال قازىر ءبىز ونداي قىزمەتكە تولىعىمەن تىيىم سالا المايمىز. نەگە؟ ماسەلەن, بىرەۋلەر ول ارنالار ارقىلى اعىلشىن پرەمەر-ليگاسىن كورىپ وتىر. ەندى, ونداي ارنالارعا شەكتەۋ قويۋ ءۇشىن سول پرەمەر-ليگانى وزىمىزدە كورسەتەتىن ءبىر ارنانى ۇسىنۋىمىز قاجەت. ال ونىڭ سىرتىندا كاسىبي كوممەنتاتورلار, دىبىس پەن كارتينكانىڭ ساپاسى جانە تاعى باسقا تەxنيكالىق ماسەلەلەر بار», – دەدى مينيستر. ونىڭ ايتۋىنشا, كەلەسى جىلدان باستاپ قازاقستانداعى شەتەلدىك تەلەارنالار ءوز بولىمشەلەرىن اشۋى شارت. بۇل – زاڭنىڭ تالابى. ال بولىمشەنىڭ جەتەكشىلىگىنە قازاقستان ازاماتى تاعايىندالۋى قاجەت.