ماقات –اتىراۋداعى ءوندىرىستى اۋداننىڭ ءبىرى. ءدال وسى اۋدانعا «تاۋەلسىز قازاقستان» پويىزى ارنايى ايالدادى. شتاب جەتەكشىسى ءامىرجان الپەيىسوۆ باستاعان سالالىق مينيسترلىكتەر مەن ءتۇرلى كوميتەتتەردىڭ, ۇلتتىق حولدينگتەردىڭ تاڭداۋلى وكىلدەرى مەن جەتەكشى ماماندارىنان قۇرالعان توپتى جۇرتشىلىقپەن بىرگە اۋدان اكىمى بەرىكقالي سارسەنعاليەۆ قارسى الدى.
–كەڭ جازيرالى دالامىزدى باياندى مەكەنىنە اينالدىرعان كوپەتنوستى ەلىمىزدە تاۋەلسىزدىك جىلدارىندا بەكەم بىرلىگى مەن ىرىستى ىنتىماعىنا سىزات تۇسپەدى. بۇعان جاھاننىڭ بارشا جۇرتى قىزىعىپ قارايدى. قاراشاڭىراق –قازاقستانىمىزداعى وركەندى وزگەرىستەرگە, ءتۇتىنى ءتۇزۋ تىنىشتىققا قىزعانا قارايتىندار دا بار. ءبىز ءۇشىن ەڭ باستىسى –ەلىمىزدىڭ ءوسىپ-وركەندەۋى, ىنتىماعىمىزدىڭ بەكەمدەلە ءتۇسۋى. حالقىمىز «ىرىس الدى –ىنتىماق» دەپ بەكەر ايتپاعان. ەلدەگى بىرلىكتىڭ نىعايۋىنا دا, ىرىسىمىزدى تاسىتقان ۇلتتىق ەكونوميكامىزدىڭ وركەن جايۋىنا دا ارقايسىڭىزدىڭ ۇلەسىڭىز بار. مەن بارشاڭىزدى تاۋەلسىزدىكتىڭ 25 جىلدىق مەرەيتويىمەن قۇتتىقتايمىن, –دەدى «تاۋەلسىز قازاقستان» پويىزىنىڭ شتاب جەتەكشىسى ءامىرجان الپەيىسوۆ.
شىن مانىندە بۇل پويزدىڭ كەلۋىنە اۋدان تۇرعىندارى قىزىعۋشىلىق تانىتتى. دارىگەرلەر الدىنا كەلگەن تۇرعىنداردىڭ بارلىعىنا مەديتسينالىق كومەك كورسەتىلدى. دۇرىس تاماقتانۋ مەن تىنىعۋدىڭ ماڭىزدىلىعىن دا تۇرعىندارعا ءتۇسىندىرىلدى. ماسەلەن, سەرىكباي ساقتاعانوۆ پويىز قۇرامىمەن كەلگەن جوعارى ساناتتى كارديولوگتىڭ كەڭەسىمەن جۇرەگىنە ەم-دوم جاساۋدىڭ جولىن بىلگەنىنە ريزاشىلىعىن ءبىلدىردى. سول سەكىلدى كاسىپكەر سالامات قۋانىشەۆ «اتامەكەن» ۇلتتىق كاسىپكەرلەر پالاتاسىنىڭ وكىلدەرىنەن كاسىپكەرلىكتى ودان ءارى كەڭەيتۋ ءۇشىن كورسەتىلەتىن قولداۋدىڭ جاي-جاپسارىنا قانىقتى.
–كەيدە الدەبىر الدەبىر ماسەلە ءۇشىن وبلىسقا, ءتىپتى, استاناعا دەيىن بارۋدىڭ قاجەتتىگى تۋىنداپ جاتادى. ادام بولعان سوڭ سىرقاتتانباي تۇرا ما؟ كەي سىرقات جاندار جانىنا شيپا استانا, الماتى سەكىلدى ءىرى قالالارداعى بىلىكتى دارىگەرلەرگە بارۋىنا مۇمكىندىگى بولا بەرمەيدى. ال بۇگىن اۋدانىمىزعا كاسىبي دارىگەرلەر دە, ءتۇرلى سالانىڭ جەتەكشى وكىلدەرى دە كەلىپ, قابىلداۋ جۇرگىزدى. بۇل ء–بىز ءۇشىن ۇلكەن قۋانىش, –دەيدى اۋداندىق ارداگەرلەر كەڭەسىنىڭ توراعاسى ءسابيت قالەنوۆ.
ماقات اۋدانىنىڭ تۇرعىندارى «تاۋەلسىز قازاقستان» پويىزىنىڭ وكىلدەرىنەن «جۇمىسپەن قامتۋ –2020», «جاستار تاجىريبەسى», «25 جىلدىڭ بەلەستەرى» جانە مەملەكەتتىك قىزمەتتەر ۇسىنۋ ماسەلەلەرى بويىنشا اقىل-كەڭەس الدى.
جولداسبەك شوپەعۇل,
«ەگەمەن قازاقستان».
اتىراۋ وبلىسى,
ماقات اۋدانى.
