ءۇندىستاندا ەكى جىل ىشىندە سەلفيدىڭ سالدارىنان 76 ادام قازا تاپتى

2014 جىلدان بەرى كەمىندە 127 ادام سەلفي جاساۋ كەزىندە وپات بولدى. كارنەگي-مەللون ۋنيۆەرسيتەتىنىڭ زەرتەۋشىلەرى وسىنداي بايلامعا كەلىپ وتىر, دەپ حابارلادى lenta.ru. عالىمدار سەلفيدىڭ كەسىرىنەن اسىرەسە ۇندىستاندىقتاردىڭ كوپ اجال قۇشاتىنىن انىقتادى. زەرتتەۋ بارىسىندا قاراستىرىلعان قايعىلى جاعدايلاردىڭ جارتىسى وسى ەلدە بولعان. ەكىنشى ورىندا 9 ادامىنان ايىرىلعان پاكىستان تۇر. سونداي تاعى اقش-تىڭ 8, رەسەيدىڭ 6, قىتايدىڭ 4 تۇرعىنى سەلفيدىڭ قۇربانىنا اينالعان. ءۇندىستاندا سەلفيدىڭ كەسىرىنەن اجال قۇشقانداردىڭ باسىم بولىگى سۋعا باتىپ كەتكەندىگى ايتىلادى. ادەتتە ايەلدەردىڭ وزدەرىن سۋرەتكە تۇسىرۋگە قۇمار ەكەندىگى بەلگىلى ءجايت بولعانىمەن اجال قۇشقانداردىڭ 75,5 پايىزىن ەر ازاماتتار قۇراپ وتىر. بۇعان قوسا ءوزىن سۋرەتكە تۇسىرەم دەپ كوز جۇمعان 127 ادامنىڭ 86-سى 24 جاسقا دەيىنگى ورەندەر. قازان ايىندا اقش-تىڭ تەحاس شتاتىندا جوعارى وقۋ ورنىنىڭ ستۋدەنتى كولىك باسقارىپ كەلە جاتىپ, سەلفي جاساماق بولعان كەزىندە پوليتسەيلەردىڭ كولىگىنە سوعىسىپ مەرت بولعان.