«اياز اتاعا حات جاز» جاڭاجىلدىق اكتسياسى باستالدى

«قازپوشتا» اق «اياز اتاعا حات جاز» دەپ اتالاتىن بالالارعا ارنالعان جاڭاجىلدىق اكتسيانى ىسكە قوستى, دەپ حابارلادى قازاقپارات. «حاتتار 2016 جىلدىڭ 20 جەلتوقسانىنا دەيىن قابىلدانادى. بارلىق الىنعان حاتتار «قازپوشتا» اق-دا جينالىپ, سۇرىپتالادى. ال قۇرامىنا كومپانيانىڭ قىزمەتكەرلەرى مەن سەرىكتەستەرى كىرەتىن ارنايى كوميسسيا سىيلىقتاردى تابىستاۋ ءۇشىن حاتتاردى تاڭدايدى. حالىقتىڭ الەۋمەتتىك جاعىنان قورعالماعان توبىنا جاتاتىن بالالاردان, جەتىم جانە جاعدايى تومەن وتباسىلاردان شىققان بۇلدىرشىندەردەن كەلگەن حاتتارعا ءسوزسىز باسىمدىلىق بەرىلەدى», - دەلىنگەن تاراتىلعان حابارلامادا. «وتكەن جىلى ءبىز سەرىكتەستەرىمىزبەن بىرگە مىڭعا جۋىق سىيلىق تاراتتىق جانە بۇل جوبا جاڭا دەڭگەيگە شىقتى - ءبىزدى مەملەكەت باسشىسى نۇرسۇلتان ءابىش ۇلى نازارباەۆ قولداپ, بالالارعا ءوز اتىنان سىيلىقتار جىبەردى. وسى جىلى وتانداستارىمىزدىڭ بالالارىنىڭ تىلەكتەرى ورىندالۋىنا كومەكتەسكىسى كەلەتىن مينيسترلەر مەن ءىرى كومپانيالاردىڭ باسقارما توراعالارى دا ونىڭ جولىن جالعاستىرادى دەپ سەنەمىز» - دەپ اتاپ ءوتتى «قازپوشتا» اق باسقارما توراعاسى باعدات مۋسين. رەسپۋبليكانىڭ بارلىق وڭىرىندە بالالارعا سىيلىقتاردى اياز اتا مەن اقشاقار كوستيۋمىن كيگەن كومپانيانىڭ قىزمەتكەرلەرى, سەرىكتەستەر مەن باق وكىلدەرى تابىستايتىن بولادى. سونداي-اق, اياز اتاعا حات جازىپ, مەكەن جايىن كورسەتكەن بارلىق بالاعا «قازپوشتا» اق اياز اتانىڭ اتىنان جاڭاجىلدىق قۇتتىقتاۋ جازىلعان ءتۇرلى-ءتۇستى حاتتار مەن كومپانيا اتىنان ەستەلىك سىيلىق جىبەرەتىن بولادى. اياز اتاعا حاتتى وبلىس ورتالىقتارىنداعى بارلىق باستى پوشتامتتارداعى, سونداي-اق استانا, الماتى جانە اقتوبە قالالارىنداعى «مەگا» وسو, استانا ق. «كەرۋەن» وسو, پاۆلودار قالاسىنداعى «باتىر مولل» وسو-داعى ارنايى جاشىككە سالۋ ارقىلى جىبەرۋگە بولادى. شالعايداعى اۋىل تۇرعىندارى ءوز حاتتارىن پوشتا بولىمشەسىنىڭ وپەراتورى ارقىلى جىبەرۋى قاجەت, ول حاتتى اياز اتاعا جەتكىزەتىن بولادى. وسى جىلى اكتسيانىڭ سەرىكتەستەرى "Samruk-Kazyna Trust" الەۋمەتتىك جوبالاردى دامىتۋ قورى, Tengrinews.kz, «كازكوممەرتسبانك» اق, «ForteBank» اق, «حوۋم كرەديت بانك» اق ەب, «الفا-بانك» ەب اق, «Alina» كومپانيالار توبى, "نوماد ينشۋرانس" سك اق, جشس «ەۆروفارما», «Best For Kids» قوعامدىق قورى, ۇلتتىق ۆولونتەرلىك جەلى جانە باسقا دا كومپانيالار.