الماتىدا تازالانباعان قار ءۇشىن ايىپپۇل سالىندى

كاسىپورىندار مەن ۇيىمدار قالا اباتتاندىرۋ ەرەجەسىن 131 مارتە بۇزعان. بۇعان قار مەن مۇزدان ءوز ۋاقىتىندا تازالاماۋ ارەكەتتەرى جاتادى. ال قالا بويىنشا پوليتسيا 808 دەرەك انىقتادى. ەرەجە بۇزعاندارعا 6,744 ميلليون تەڭگە كولەمىندە ايىپپۇل سالىندى, - دەپ حابارلايدى الماتى قالالىق ءىىد ءباسپاسوز قىزمەتى. ەرەجە بۇزعان زاڭدى تۇلعالارعا 30 ايلىق كورسەتكىش كولەمىندە (63 630 تەڭگە) ايىپپۇل سالىناتىنى حابارلانىپ وتىر. "سونداي-اق, شامامەن 1100 ۇيىمعا ەسكەرتۋ جاسالدى. ولاردىڭ جۇمىستارى باقىلاۋعا الىندى", - دەدى جەرگىلىكتى پوليتسيا وكىلدەرى. سونداي-اق, جەرگىلىكتى پوليتسەيلەردىڭ ايتۋىنشا, تەكسەرۋ شارالارى ءالى دە جالعاسادى. ء"بىز جۇرگىزگەن تەكسەرۋ جۇمىستارى قالاداعى مەكەمەلەردىڭ, كاسىپورىنداردىڭ, ۇيىمداردىڭ بارلىعىنىڭ قار تازالاۋ جۇمىستارىمەن اينالىسپايتىنىن كورسەتتى. ۋچاسكەلىك پوليتسيا ينسپەكتورلارى مەن تابيعي ورتانى قورعاۋ پوليتسەيلەرىمەن بىرىگە وتىرىپ, تەكسەرۋ جۇمىستارى ءالى دە جۇرگىزىلەتىن بولادى", - دەدى الماتى قالالىق جەرگىلىكتى پوليتسيا قىزمەتىنىڭ باسشىسى جاسۇلان بايكەنوۆ.