ۋنيۆەرسيادا: ۇلان ساربازدارى ءتىل مەڭگەرۋدە

ءبىز بۇعان دەيىن دە الداعى كۇندەرى الماتىدا وتەتىن قىسقى ۋني­ۆەرسياداعا 30 مىڭعا جۋىق شەتەلدىك تۋريست كەلە­دى دەپ بولجانىپ وتىرعانىن حابارلاعانبىز. جارىس ءوت­كىزىلىپ جاتقان كۇندەرى قالا قوناقتارى مەن تۋريس­تەر­دىڭ اداسىپ كەتپەۋلەرىنە, دىتتەگەن جەرىنە وڭاي جەتۋلەرىنە جاۋاپتى ۇيىمدار بار. سونىڭ ءبىرى – ۇلتتىق ۇلاننىڭ «وڭتۇستىك» وڭىرلىك قولباسشىلىعىنا قاراستى 5571-اسكەري بولىمىندە ۋنيۆەرسيادا كەزىندە قوعامدىق ءتارتىپ پەن قاۋىپسىزدىكتى قامتاماسىز ەتەتىن كەلىسىمشارت نەگىزىندە ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ وقىتۋشىلارى مەن ماگيسترانتتارى اعىلشىن تىلىنەن كۋرستار وتكىزۋدە. اسكەري قىزمەتشىلەرى مەن مەرزىمدى قىزمەت ساربازدارىنا وتكىزىلگەن كۋرستار اعىلشىن ءتىلىن كۇندەلىكتى قاراپايىم قا­رىم-قاتىناس تىلىندە ۇيرەتۋدى قاراستىرادى. جوعارىدا اتاپ ءوت­­كەندەي, ءجون سۇراعان, جول سۇرا­­عان ادامعا بەلگىلى ءبىر باعىت­تى كور­سەتە ءبىلۋى ءۇشىن ۇلتتىق ۇلان­­نىڭ اسكەري قىزمەتشىلەرىنە اعىل­­شىن ءتىلىنىڭ تىلدەسۋ مادە­نيە­تىن مەڭگەرۋ مىندەتتەلگەن بولاتىن. سونىمەن, اعىلشىن ءتىلىن حالىق­­ارالىق دارەجەدە مەڭگەر­گەن اتالمىش ۋنيۆەرسيتەتتىڭ جيىر­ماعا جۋىق وقىتۋشىسى مەن ماگيسترانتى اسكەري قىز­مەت­شىلەردىڭ از عانا ۋاقىتتا شەت ءتىلىنىڭ قاراپايىم سويلەسۋ-تىلدەسۋ ءتۇرىن ۇيرەنۋى ءۇشىن بارىن سالدى. جەدەل كۋرستارعا كوپتەگەن وقۋ-ادىستەمەلىك قۇرال­دارىن دا الا كەلىپ, ورىس جانە قازاق ءتىل­دەرىندە اپتاسىنا ءۇش ساعاتتان ساباق­تار وتكىزدى. ساباق­تار باتالون قۇرامىنداعى روتالار بۋى­نىندا توپتارعا ءبولى­نىپ وتكى­زىلدى. 9-روتا ساربازدارىنا ءتالىم بەرگەن ۋنيۆەرسيتەت ماگيست­رانتى نازەركە سماعۇل: «جالپى اسكەري قىزمەتشىلەر مەن ساربازدارعا اعىلشىن ءتىلىنىڭ «Elementary», ياعني قاراپايىم دەڭگەيى بويىنشا ساباقتاردى وتكىزۋ بارىسىندا بايقاعانىم, جاۋىنگەرلەردىڭ باسىم بولىگى شەت ءتىلىنىڭ باستاپقى دەڭگەيىن مەڭگەرگەن, بۇل − قۋانتارلىق جايت. ۇلتتىق ۇلان قاتارىنا كوبىنە جوعارى ءبىلىمدى ازاماتتار قابىلداناتىندىقتان, اعىلشىن ءتىلىنىڭ العاشقى دەڭگەيىن ءبىلۋى زاڭدى دا», دەيدى. سار­بازدارمەن بىرگە ساباق­تارعا قاتىسقان 9-روتا كومان­ديرىنىڭ تاربيە جانە الەۋمەتتىك-قۇقىقتىق جۇمىستارى جونىندەگى ورىنباسارى, اعا لەيتەنانت تۇرسىنباي اكباروۆ: «ءبىزدىڭ روتاداعى ساربازداردىڭ ءبىر­قاتارى­نىڭ جوعارى جانە ارنايى ورتا ءبىلىمى بار. وتكىزىلگەن ساباقتار بارىسىندا ولار ءتىلدى مەڭگەرۋ دەڭگەيلەرىن ەستەرىنە ءتۇسىرىپ, وقىتۋشىمەن بىرگە بىلىمدەرىن پىسىقتادى», دەدى. مۇنداي كۋرستار الداعى اپتالاردا قاراكەمەر كەنتىندە ورنالاسقان ۇلتتىق ۇلاننىڭ 6654-ءبولىمىنىڭ وقۋ بەكەتىندە جالعاسادى. ايتا كەتەيىك, الماتى قالا­سىن­دا 2017 جىلعى قاڭتار-اقپان ايلارىندا وتكىزىلگەلى وتىرعان 28-ءشى قىسقى ۋنيۆەرسيادا كەزىن­دە مىڭنان اسا ۇلتتىق ۇلان جاۋىن­گەرلەرى قوعامدىق ءتارتىپ پەن ەل تىنىشتىعىن كۇزەتەتىن بولادى. ايناش ەسالي, «ەگەمەن قازاقستان» الماتى