«جۇلدىزدار توعىسقاندا» ءفيلمىنىڭ تۇساۋكەسەرى ءوتتى

جاقىندا قازاقستان رەسپۋبليكاسىنىڭ گرەك رەسپۋبليكاسىنداعى ەلشىلىگى «ش.ايمانوۆ اتىنداعى قازاقفيلم» اق-پەن بىرلەسىپ, تاۋەلسىزدىگىمىزدىڭ 25 جىلدىعى مەن قازاقستاننىڭ تۇڭعىش پرەزيدەنتى كۇنىنە وراي احارنە قالاسىندا «جۇلدىزدار توعىسقاندا» اتتى ءفيلمنىڭ كورسەتىلىمىن وتكىزدى. كورسەتىلىم تۇرعىندارىنىڭ باسىم بولىگى بۇرىنعى وتانداستىرىمىز – قازاق­ستاندىق گرەكتەردەن تۇراتىن قالادا ءوت­كىزىلسە, مۇنىڭ وزىندىك نىشاندىق ءمانى بار ەدى. شاقىرىلعان قوناقتار اراسىندا گرەك رەسپۋبليكاسىنىڭ قوعام جانە ساياسي قايراتكەرلەرى, ديپلوماتيالىق كورپۋس, ىسكەر توپ جانە مادەنيەت وكىلدەرى, احارنە قالاسىنىڭ باسشىلىعى بولدى. قازاقستان رەسپۋبليكاسىنىڭ گرەك رەسپۋبليكا­سىن­داعى توتەنشە جانە وكىلەتتى ەلشىسى ا.ۆولكوۆ فيلم الدىنداعى سوزىندە «قازاقستاننىڭ تۇڭعىش پرەزيدەنتى تەك ءوز مەملەكەتىنىڭ عانا ەمەس, كوپشى­لىك­پەن مويىندالعان جالپى ورتالىق ازيانىڭ كوشباسشىسى ەكەنىن, سونىمەن قاتار, يادرو­لىق قارۋدى تاراتپاۋ, قارۋسىزدانۋ سالا­­لارىنا قوسىپ كەلە جاتقان زور ۇلەسى الەم مەملەكەتتەرىنىڭ باسشىلارى مەن حالىقارالىق ۇيىمدار تاراپىنان مويىن­دالعان تۇلعا» ەكەنىن اتاپ كورسەتتى. ءىس-شارا سوڭىندا قوناقتار فيلمنەن العان اسەرلەرىمەن ءبولىستى. قازاق­ستان­نىڭ ورىندى ماقتانىشى سانالاتىن ۇلتارالىق كەلىسىم ساياساتىن تولىقتاي قولداي­تىن­دارىن ءبىلدىرىپ, بۇرىنعى وتانداستارى­نا دەگەن ساعىنىشتارىن جاسىرماي ايتتى. «ەگەمەن-اقپارات»