شەگىرتكەمەن كۇرەسكە 1,5 ملرد. تەڭگە بولىنبەك

2017 جىلى شەگىرتكەمەن كۇرەسكە 1,5 ملرد. تەڭگە ءبولىنىپ وتىر. بۇل تۋرالى بۇگىن كاۆكاز جانە ورتالىق ازيا ەلدەرىنىڭ شەگىرتكەمەن كۇرەس بويىنشا قۇزىرلى ورگاندارى وكىلدەرىنىڭ فورۋمىندا قر اشم مەملەكەتتىك ينسپەكتسيا باسقارماسى باسشىسىنىڭ ورىنباسارى مارس المابەك ءمالىم ەتتى. "جۇرگىزىلگەن مونيتورينگ بويىنشا, شەگىرتكە تارالىمى 2017 جىلى 1,5 ملن. گەكتار اۋماققا بولادى دەپ جوسپارلانىپ وتىر. قازىرگى ۋاقىتتا ءبىزدىڭ ەلىمىزدە شەگىرتكەنىڭ ءۇش ءتۇرى تارالعان. ولار - ازيالىق, يتاليالىق جانە ماروككولىق شەگىرتكەلەر. قازىرگى ۋاقىتتا وسى شەگىرتكەلەرگە قارسى كۇرەستىڭ جاڭا تاسىلدەرى قارالۋدا. رەسپۋبليكا بيۋدجەتىنەن 2017 جىلى 1,5 ملرد. تەڭگە كوزدەلىپ وتىر", - دەدى ول. سونىمەن قاتار, قر اشم وكىلى قازىرگى ۋاقىتتا شەگىرتكە ءۇيىرىن عارىشتان باقىلاۋ جانە انىقتاۋ تەxنولوگيالارىن پايدالانۋ ەنگىزىلىپ جاتقانىن اتاپ ءوتتى. "گەوگرافيالىق اقپارات جۇيەسى (GIS) - بۇل عارىش ارقىلى جاڭا مونيتورينگىلەۋدىڭ ءادىسى. ول زاقىمدانعان الاڭدارىن, شەگىرتكەلەردىڭ جۇرگەن جەرلەرىنىڭ كوورديناتتارىن سالىپ, ولاردى انىقتاۋعا, زەرتتەۋگە جانە xيميالىق وڭدەۋدى جۇرگىزۋگە ىقپال ەتەدى", - دەدى م. المابەك.