نتۆ جۇرگىزۋشىسى قر مەديانارىعى تۋرالى پىكىرىن ايتتى

نتۆ تەلەارناسىنىڭ جۇرگىزۋشىسى ليليا گيلدەەۆا استانادا ءوتىپ جاتقان وڭىرلىك باق فورۋمىنا قاتىسىپ, قازاقستاندىق مەديا-نارىقتىڭ مەنەدجمەنتى تۋرالى ءوز ويىن ايتتى, دەپ حابارلايدى Today.kz. "مەنىڭ ويىمشا, قازاقستاندىق مەديانارىق رەسەيدىڭ 90-جىلدارى ءوتىپ كەتكەن كەزەڭىنە اياق باستى. بۇل قارجى جەتىسپەۋشىلىگى. سونىمەن قاتار كونۆەرگەنتتىلىك. سەبەبى قازىر ومىرلەرىڭىزگە ينتەرنەت كىردى. بىراق سىزدەردە ءبىزدىڭ سول كەزەڭىمىزبەن سالىستىرعاندا مۇمكىندىكتەر كوپ", - دەدى گيلدەەۆا. ءجۋرناليستىڭ ايتۋىنشا, وڭىرلىك باق - قوزعاۋشى كۇش. "15 جىل بۇرىن مەن كىشكەنتاي عانا وڭىرلىك تەلەارنادا ىستەدىم. قاراجات جەتسپەۋشىلىگى دەمەكشى, 90-جىلدارى ەرەكشە قيىن بولدى. مەن قاراجاتى مۇلدەم جوق تەلەارنادا ىستەدىم دەسەم دە بولادى. سوندىقتان بارتەر دەگەننىڭ نە ەكەنىن جاقسى تۇسىنەمىن. سىزدەرگە ونداي جاعدايدى باستان وتكەرمەۋلەرىڭىزدى تىلەيمىن!", - دەدى ول. ءجۋرناليستىڭ ايتۋىنشا, شەتەلدەردە تۇراتىن وتانداستارى ءۇشىن دە قىزمەت ەتۋدى ەستەن شىعارماۋ كەرەك. "جوعارى ماقسات قويۋ كەرەك. وتانداستارىڭ ءۇشىن, قانداستارىڭ ءۇشىن جۇمىس ىستەۋ كەرەك. ەشتەڭەدەن قورىقپاڭىزدار!", - دەپ قورىتىندىلادى ءسوزىن ليليا گيلدەەۆا.