الماتىدا تاۋلى جەردە جۇرەتىن اۆتوبۋس الىنادى

الماتى اكىمدىگى تاۋلى ايماقتاردا جۇرەتىن 65 اۆتوبۋس ساتىپ الۋدى جوسپارلاپ وتىر, كولىكتەر تاۋلى ايماقتاردا جۇرۋگە بەيىمدەلگەن, - دەپ حابارلايدى egemen.kz اكىمدىكتىڭ ءباسپاسوز قىزمەتىنە سىلتەمە جاساپ. بۇل تۋرالى قالاداعى كولىك جۇيەسىن رەتتەۋ ماسەلەلەرى جونىندەگى جينالىستا جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ماقسۇت يساقوۆ مالىمدەدى. اۆتوبۋستار شالعاي اۋىلداردا ورنالاسقان, ياعني تاۋلى مەكەندەردە تۇراتىن ادامداردى كولىكپەن قامتاماسىز ەتۋ ءۇشىن ساتىپ الىنباق. ء"بىز از ادامعا شاقتالعان 65 اۆتوبۋستىڭ قاراجاتىن ەسەپتەپ, دايىنداپ قويدىق. ولار تاۋلى مەكەندەردە جۇرۋگە بەيىمدەلىپ جاسالعان كولىكتەر. بۇعان دەيىن قالالىق تاسىمالداۋشىلاردىڭ يەلىگىندە مۇنداي كولىكتەر بولماعان", - دەدى باسقارما باسشىسى. "سونىمەن قاتار, 2017 جىلى تروللەيبۋس جۇرەتىن جولداردى كوبەيتىپ, جاڭا مارشرۋتتار قوسۋدى جوسپارلاپ وتىرمىز. "وسىعان قوسا 100 ايالداما بەكەتى سالىنادى. "كەلەسى جىلى رىسقۇلوۆ-ەمتسوۆ جانە رىسقۇلوۆ-قۇلجا تاس جولىندا جولايرىقتار الىنادى. وسىلايشا, 2019 جىلعا دەيىن تەز ءجۇرۋ كولىك شەڭبەرى تولىعىمەن ىسكە قوسىلادى", - دەدى يساقوۆ. ونىڭ ايتۋىنشا, وسى كۇنگە دەيىن قالادا 40 شاقىرىم ۆەلوجولدار سالىنعان, 100 مىڭنان اسا شارشى مەتر تروتۋارلار مەن 120 ايالداما سالىنعان. قوعامدىق كولىككە ارنالعان جول التى كوشەدە سالىندى. ونىڭ جالپى قاشىقتىعى 86 شاقىرىمدى قۇرايدى.