ەلىمىزدىڭ باسىم بولىگىندە اياز ساقتالادى

سينوپتيكتەر 2016 جىلدىڭ 19-21 قاراشا كۇندەرىنە ارنالعان اۋا رايى بولجامىن جاريا ەتتى, - دەپ حابارلايدى egemen.kz "قازگيدرومەت" رمك وكىلدەرىنە سىلتەمە جاساپ. ء"سىبىردىڭ سولتۇستىك اۋداندارى ۇستىندە قالىپتاسقان سۋىق جانە اۋقىمدى انتيتسيكلوننىڭ سالدارىنان قازاقستاندا ناعىز قىسقى اۋا رايى ورنادى. الداعى دەمالىس كۇندەرى رەسپۋبليكادا اياز اركتيكالىق اۋانىڭ جاڭا ۇلەستەرىنىڭ كەلۋىمەن كۇشەيەتىن بولادى. سولتۇستىك, ورتالىق جانە شىعىس وبلىستاردا تۇنگى تەمپەراتۋرا 30-35 گرادۋس, كەي جەرلەردە 40 گرادۋس اياز بولسا, باتىستا 20-28 گرادۋس اياز كۇتىلۋدە", - دەپ حابارلادى ماماندار. سونداي-اق, سينوپتيكتەردىڭ مالىمەتىنشە, ەلىمىزدىڭ وڭتۇستىگى مەن وڭتۇستىك-شىعىسىندا دا سۋىق, قار جاۋ, كەي جەرلەردە وتە كۇشتى شىعىستىق جەل, بوران كۇتىلۋدە. اۋا تەمپەراتۋراسى الداعى ءۇش تاۋلىكتە قازاقستاننىڭ بارلىق اۋماعىندا كليماتتىق ماننەن 13-20 گرادۋسقا تومەن بولادى.