وليمپيادا چەمپيونى دانيار ەلەۋسىنوۆ, ريو وليمپياداسىنىڭ كۇمىس جۇلدەگەرى ۆاسيلي لەۆيت, وليمپيادا ويىندارىنىڭ ەكى دۇركىن قولا جۇلدەگەرى يۆان دىچكو مەن 2016 جىلعى وليمپيادا ويىندارىنىڭ قولا مەدالىن العان داريعا شاكىموۆا ەلوردادا بالالار ۇيىندە ءوسىپ جاتقان بالالاردى كينوعا اپاردى, دەپ حابارلايدى
قازاقپارات.
بالالاردى كينوتەاتر الدىندا كۇتىپ العان داڭقتى بوكسشىلار بۇلدىرشىندەرگە ءتاتتى الىپ بەرىپ, بالالارعا ارنالعان جاڭا فيلمدەردىڭ ءبىرىن تاماشالاۋعا كىرىستى. كينودان كەيىن سپورتشىلار «SOS بالالار اۋىلىنا» بارىپ, بۇلدىرشىندەرمەن بىرگە تۇسكى اس ءىشتى. كەيىن, كەشكىسىن سپورتشىلار قاجىمۇقان مۇڭايتپاسوۆ اتىنداعى وليمپيادالىق رەزەرۆ ينتەرناتانىڭ وقۋشىلارى ءۇشىن شەبەرلىك ساعاتىن وتكىزدى.
«مەنىڭ ءبىر ۇلىم بار, سوندىقتان, بالالاردى قاتتى جاقسى كورەمىن. ارينە, بالام كوپ بولسىن دەيمىن, ءبىر اللا بىلەدى»,-دەدى جۋرناليستەرمەن سويلەسكەن دانيار ەلەۋسىنوۆ.
ايتا كەتەيىك, بۇل يگى ءىستىڭ باستاماشىسى - «ايالا» اتتى قايىرىمدىلىق قورى.
