سقو-دا الەۋمەتتىك دۇكەن اشىلدى

پەتروپاۆل قالاسىنداعى «ەۋرازيالىق» بازارىندا ازىق-ت ۇلىك ونىمدەرىن ۇستەمە باعاسىز ساتاتىن الەۋمەتتىك ءبولىم ءوز جۇمىسىن باستادى, دەپ حابارلايدى «قازاقپارات». «كاسىپكەرلەر پالاتاسى مەن كاسىپكەرلىك باسقارماسىنان الەۋمەتتىك جوبا بويىنشا ۇسىنىس كەلىپ ءتۇستى. ورىندى بازاردىڭ ءوزى ۇيىمداستىردى. بۇل ءبولىمدى ارى قاراي دامىتىپ, بولشەك ساۋداداعى تاۋارلاردىڭ باعاسىن تومەندەتەمىز. ادەتتە ساتۋشىلار 10-15% قوسسا, ءبىز ۇستەمە باعاسىز ساتامىز», - دەدى بازار ديرەكتورى دەنيس مارتىنيۋك. قازىرشە ساۋدا ورىندارىندا 15 ءتۇرلى تاۋار بار: جارما, وسىمدىك مايى, تۇز جانە قانت. ونىمدەردى جەرگىلىكتى تاۋار وندىرۋشىلەردەن الۋعا تىرىسۋدا. دەنيس مارتىنيۋكتىڭ ايتۋىنشا, قاراقۇمىقتى ستابفوندتان ساتىپ الۋدا, ەندى ماكارونداردى الىپ كەلۋ جوسپارلارىندا بار. قازىر ساتىلىم باعالارىن زەرتتەپ, پەتروپاۆلداعى ەڭ تومەنگى باعاداعى ونىمدەردى قاراستىرۋدا. وڭىرلىك كاسىپكەرلەر پالاتاسىنىڭ ءباسپاسوز قىزمەتىندە ايتىپ وتكەندەي, ولار تۇرعىندار الدىنداعى بيزنەستىڭ الەۋمەتتىك جاۋاپكەرشىلىگىن جوعارىلاتۋ ماقساتىندا ۇسىنىمدار جاساۋدا. سولاردىڭ ءبىرى بازارلارداعى الەۋمەتتىك بولىمدەردى قۇرۋ بولىپ تابىلادى. «ەۋرازيالىق» بازارىنداعى بۇل جوبا العاشقى بولعانىمەن, كاسىپكەرلەر پالاتاسى سوڭعى ەمەس ەكەنىنە سەنىمدى.