سەيداحمەت بەردىقۇلوۆ جۇلدەسىنە بايقاۋ جاريالاندى

قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى قازاقستاننىڭ باق جۋرناليستەرى اراسىندا سپورت ءجۋرناليسى, پۋبليتسيست جانە قوعام قايراتكەرى سەيداحمەت بەردىقۇلوۆ اتىنداعى جىل سايىن وتەتىن بايقاۋى باستالدى, دەپ حابارلايدى قازاقپارات. وتىنىشتەر مەن ماقالالار استانا قالاسى, سىعاناق كوشەسى, 25 ءۇي, 11 قابات مەكەنجايىنا, ۇلتتىق شتاتتىق كوماندالار جانە سپورت رەزەرۆى ديرەكتسياسىنىڭ ءباسپاسوز قىزمەتىنە («2016 جىلعى س. بەردىقۇلوۆ اتىنداعى بايقاۋعا» دەگەن بەلگىمەن) قابىلدانادى. استانا قالاسىنىڭ يندەكسى - 010000. قابىلداۋ مەرزىمى - 2016 جىلدىن 10 جەلتوقسانىنا دەيىن. ۇمىتكەرلەر 2016 جىلداعى جۇمىستارىن مىنا تاقىرىپتار بويىنشا تاپسىرا الادى: 1. الەم جانە ازيا چەمپيوناتتارىنا, الەم كۋبوكتارىنا, مارتەبەلى حالىقارالىق جارىستارعا جانە قازاقستان بىرىنشىلىكتەرىنە ارنالعان جاريالانىمدار (وچەركتەر, ماقالالار, تالداۋ, تەلەترانسلياتسيالار, تەلەكوپىرلەر جانە ت.ب.) 2. قازاقستاندىق باق-تا بۇقارالىق سپورتتى, بالالار مەن جاسوسپىرىمدەر اراسىنداعى سپورتتى, مۇگەدەكتەر اراسىنداعى جانە ۇلتتىق سپورت تۇرلەرىنەن سپورت ويىندارىن, (سپارتاكيادالار, تۋرنيرلەر, ۇلتتىق سپورت تۇرلەرى فەستيۆالى, اۋىل سپورتى, ارداگەرلەر سپارتاكياداسى) ت.ب. ناسيحاتتاۋ. 3. ەلىمىزدە دەنە شىنىقتىرۋ جانە سپورت سالاسى بويىنشا پروبلەمالار كوتەرۋ جانە ونىڭ شەشۋ جولدارىن كورسەتىپ بەرۋ. 4. 2016 جىلعى ريو-دە-جانەيرو قالاسىندا (برازيليا) وتكەن جازعى وليمپيادا جانە پاراليمپيادا ويىندارى تۇرالى ناسيحاتتاۋ (فوتو,تەلە جانە راديو تۇسىرىلىمدەر مەن باعدارلامالار, ينتەرنەت, گازەت جانە جۋرنالداعى ماقالالار مەن وچەركتەر) 5. 2016 جىلدا شىققان اۆتورلىق جۇمىستار (كىتاپتار, سپورتتىق ەنتسيكلوپەديالار, ت.ب.) 6. ۇزدىك سپورتتىق فوتورەپورتاجادار, فوتوجۇمىستار. بايقاۋدىڭ جەڭىمپازدارى «سەيداحمەت بەردىقۇل اتىنداعى سىيلىقتىڭ لاۋرەاتى» دەگەن ارنايى ءتوس بەلگىمەن ماراپاتتالىپ, ديپلوم مەن اقشالاي سىيلىققا يە بولادى.