قورعانىس جانە اەروعارىش ونەركاسىبى ۆيتسە-ءمينيسترى تاعايىندالدى

قازاقستان رەسپۋبليكاسى ۇكىمەتىنىڭ قاۋلىسىمەن رامازانوۆ ارمان قايىربەك ۇلى قر قورعانىس جانە اەروعارىش ونەركاسىبى ۆيتسە-ءمينيسترى بولىپ تاعايىندالدى, دەپ حابارلايدى قازاقپارات. ارمان رامازانوۆ 1978 جىلى 18 اقپان كۇنى شىعىس قازاقستان وبلىسىنىڭ وسكەمەن قالاسىندا دۇنيەگە كەلگەن. ءۇش جوعارى ءبىلىمى بار. 2000 جىلى شىعىس قازاقستان مەملەكەتتىك تەحنيكالىق ۋنيۆەرسيتەتىن ينجەنەر ماماندىعى بويىنشا, 2002 جىلى قازاق مەملەكەتتىك زاڭ اكادەمياسىن زاڭگەر ماماندىعى بويىنشا تامامداعان. 2004 جىلدان باستاپ 2006 جىلعا دەيىن س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىندە قارجى ماماندىعى بويىنشا وقىعان. 2001-2007 جىلدار ارالىعىندا - شىعىس قازاقستان وبلىس اكىمدىگىنىڭ قۇرىلىمدىق بولىمشەلەرىندە ءتۇرلى لاۋازىمدارىن اتقارعان. 2007 جىلدان باستاپ 2010 جىلعا دەيىن بيزنەس قۇرىلىمداردا باسشىلىق لاۋازىمدارىن اتقارعان. 2010-2015 جىلدار ارالىعىندا - قازاقستان رەسپۋبليكاسى قورعانىس مينيسترلىگىنىڭ «كازاحۆزرىۆپروم» اق (قازىرگى تاڭدا «قازتەحنولوگيالار» اق) باسقارما توراعاسى. 2015-2016 جىلدار ارالىعىندا - «Aستانa» اكك» ۇك» اق باسقارما توراعاسى. قر قورعانىس جانە اەروعارىش ونەركاسىبى ۆيتسە-ءمينيسترى بولىپ تاعايىندالۋىنا دەيىن ا. رامازانوۆ قازاقستان رەسپۋبليكاسى پرەزيدەنت اكىمشىلىگىنىڭ مەملەكەتتىك ينسپەكتورى لاۋازىمىن اتقاردى.