مەشىتتەردىڭ ىشكى ءتارتىپ ەرەجەسى بەكىتىلدى

كەشە الماتىدا عۇلامالار كەڭەسىنىڭ ماجىلىسىندە قازاقستان مۇسىلماندارى ءدىني باسقارماسى مەشىتتەرىنىڭ ىشكى ءتارتىپ ەرەجەسى تالقىلانىپ, ءبىر اۋىزدان بەكىتىلدى. ونىڭ ماتىنىمەن قازاقستان مۇسىلماندارى ءدىني باسقارماسى مەشىت ىستەرى ءبولىمىنىڭ مەڭگەرۋشىسى ءجاندىللا بەكجىگىتوۆ جانە ءدىني ءبىلىم جانە عىلىم ءبولىمىنىڭ مەڭگەرۋشىسى باقتىباي بەيسەنباەۆ تانىستىردى. ەرەجەدە مەشىتتە جاساۋعا تىيىم سالىنعان ارەكەتتەر, اللا ۇيىنە كەلۋشىنىڭ نەگىزگى قۇقىقتارى مەن مىندەتتەرى جەكە ءبولىم رەتىندە قامتىلعان. سونىمەن بىرگە, قمدب مەشىتتەرىنىڭ ىشكى ءتارتىپ ەرەجەسى ءدىن قىزمەتكەرلەرى مەن مەشىتكە كەلۋشىلەرگە بايلانىستى باسقا دا ماسەلەلەردى قاداعالايدى. «بۇل – قازاقستان مۇسىلماندارى ءدىني باسقارماسى مەشىتتەرىنىڭ ىشكى ءتارتىپ ەرەجەلەرىن انىقتايتىن نەگىزگى ءنورماتيۆتى اكت. ەرەجە قازاقستان رەسپۋبليكاسىنىڭ «ءدىني قىزمەت پەن ءدىني بىرلەستىكتەر تۋرالى» زاڭىنا, قازاقستان رەسپۋبليكاسىنىڭ قولدانىستاعى باسقا دا زاڭنامالارىنىڭ نورمالارىنا, ينسترۋكتيۆتى قۇجاتتارىنا جانە ەڭبەكتى ۇيىمداستىرۋ سالاسىنداعى نورماتيۆتىك اكتىلەرگە, سونىمەن قاتار قمدب جارعىسىنا سايكەس دايىندالدى. مەشىتكە كەلۋشى ءار ادامنىڭ نەگىزگى قۇقىقتارى مەن مىندەتتەرىن انىقتاۋدى, ءدىني سەنىم بوستاندىعى قۇقىعىن قورعاۋدى, سونداي-اق ءدىني قىزمەتكە بايلانىستى باسقا دا ماسەلەلەردى رەتتەۋدى, حالىقتىڭ مادەنيەتى مەن رۋحاني ءومىرىن دامىتۋدا حانافي مازحابىنىڭ تاريحي ءرولىن مويىنداۋدى, قازاقستان رەسپۋبليكاسىنداعى كونفەسسياارالىق كەلىسىمنىڭ, ءدىني توزىمدىلىكتىڭ جانە ازاماتتاردىڭ ءدىني نانىمدارىن قۇرمەتتەۋدى نەگىزگە الادى», – دەلىنگەن ەرەجەدە. ءلايلا ەدىلقىزى, «ەگەمەن قازاقستان»