قورقىت اتا كەسەنەسى ەكسپو تۋريستەرىن قابىلداۋعا دايىن

قازىرگى تاڭدا قورقىت اتا مەموريالدىق كەشەنى «ەكسپو-2017» كەلەتىن تۋريستتەردى قابىلداۋعا تولىق دايىن دەۋگە بولادى. ەلباسىنىڭ تاپسىرماسىمەن 2014 جىلى كەشەنگە كۇردەلى جوندەۋ جۇمىستارى جۇرگىزىلىپ, بۇرىنعى كەسەنەگە ءتان ارحيتەكتۋرالىق ەرەكشەلىگىن ساقتاي وتىرىپ, جاڭا ۇلگىدە قايتا سالىندى, دەپ حابارلادى قىزىلوردا وبلىسى اكىمىنىڭ ءباسپاسوز قىزمەتى. - بايقوڭىردا تۋريستىك ەكسكۋرسيالاردى ۇيىمداستىرۋمەن 2 تۋريستىك فيرما اينالىسادى. سونىمەن قاتار, بايقوڭىر عارىش ايلاعىنا ەكسكۋرسيالار ۇيىمداستارۋ قۇقىعىنا 7 قازاقستاندىق تۋروپەراتور يە بولدى, - دەيدى قارماقشى اۋدانىنىڭ اكىمى سۇلتان ماقاشوۆ. «ەكسپو-2017» حالىقارالىق مامانداندىرىلعان كورمەسىنىڭ قوناقتارىنا ارنالىپ قىزىلوردا وبلىسىندا «سىرداريا» تۋريزم بيۋروسى» جشس-گى تاراپىنان ءبىر تۋريستتىك مارشرۋت جاساقتالدى. مارشرۋت قىزىلوردا قالاسى – قورقىت اتا مەموريالى - بايقوڭىر عارىش ايلاعىن بايلانىستىرادى. وبلىس قوناقتارىنا ارنالعان مارشرۋت ەكى كۇنگە ەسەپتەلگەن.