ماسكەۋدە وتكەن ەڭ ۇزدىك تۋريستىك باعىتتار ايقىندالاتىن «National Geographic Traveler Awards - 2016» بايقاۋىنىڭ قورىتىندىسى بويىنشا قازاقستاننىڭ استاناسى ارنايى «بولاشاقتىڭ قالاسى» اتالىمىن جەڭىپ الدى, دەپ حابارلايدى
قازاقپارات.
«مەن ەلىمىزدىڭ استاناسى ءۇشىن وسى ايتۋلى اتالىمدى جەڭىپ العانىما قۋانىشتىمىن. ونىڭ ۇستىنە استانا كەلەسى جىلى «ەكسپو-2017» حالىقارالىق كورمەسىن ۇيىمداستىرىپ, وندا الەمنىڭ تۇكپىر-تۇكپىرىنەن قوناقتار مەن تۋريستەر كەلەدى. ءبىز بارلىقتارىڭىزدى قوناققا شاقىرامىز»,-دەدى «استانا ەكسپو-2017» ۇك» اق-نىڭ ءتۋريزمدى ناسيحاتتاۋ دەپارتامەنتى ديرەكتورىنىڭ ورىنباسارى روزا اسانباەۆا جەڭىمپازداردى قۇتتىقتاۋ سالتاناتتى راسىمىندە.
«National Geographic Traveler Awards» جۇلدەسى جىل سايىن بەرىلەدى. «National Geographic Traveler» جۋرنالىنىڭ التىنشى جۇلدە جەڭىمپازدارىن ىرىكتەۋ 24 اتالىم بويىنشا جۇرگىزىلدى. جۇلدە وقىرماندارعا ۇناعان باستى تۋريستىك باعىتتاردى, سەرۆيستەر مەن تۋريستىك كومپانيالاردى انىقتايدى. بايقاۋدىڭ ەرەكشەلىگى سول, مۇندا ءداستۇرلى ادىلقازىلار القاسى جوق. جەڭىمپازدى ساياحاتشىلاردىڭ وزدەرى انىقتايدى. داۋىس بەرۋ اشىق جانە nat-geo.ru سايتىندا جۇرگىزىلەدى. نوميناتسيانى دا سايت قولدانۋشىلارى تاعايىندايدى», - دەدى «National Geographic Traveler» جۋرنالىنىڭ باس رەداكتورى ولگا ياكوۆينا.
