ەسەلى ەڭبەكتىڭ ورەلى ولشەمى

سولتۇستىكقازاقستاندىقتار تاعى ءبىر بيىك مەجەنى باعىندىردى ەلباسى ماعجان ەلىنە كەلگەن بيىلعى جۇمىس ساپارىندا «سولتۇستىك قازاقستان وبلىسى الەۋمەتتىك-ەكونوميكالىق دامۋ قارقىنى جونىنەن قازىر ەلىمىزدىڭ وزىق وڭىرلەرىنىڭ قاتارىندا. جەرى قۇنارلى, بۇل وڭىردە بيداي عانا ەمەس, مايلى داقىلدار دا شىعىمدى», دەپ ىشكى الەۋەتىنە جوعارى باعا بەرگەن بولاتىن. شىنىندا دا, استىقتى ولكە وسىنداي باعالاۋعا ابدەن لايىق. اۋىل شارۋاشىلىعى ەڭبەككەرلەرى ەل تاۋەلسىزدىگىنىڭ 25 جىلدىق مەرەيتويىنا تولىمدى تارتۋ جاسادى. سالا ارداگەرلەرى, ەڭبەك وزات­­تارى قاتىسقان القالى جيىن­دا كۇزگى وراق جۇمىستارى قو­رى­تىن­دىلانىپ, گەكتار بەرەكەلىلىگى 18 تسەنت­نەردەن اينالعانى ءمالىم ەتىل­­دى. بۇل – وتان قامباسىنا 5,8 ميلليون توننا استىق قۇيى­ل­دى دەگەن ءسوز. 1991 جىلدارى تۇسىمدىلىك 6,4 تسەنتنەردى قۇر­سا, بۇگىنگى كۇنى 2,5 ەسە ءوسىپ وتىر. مەملەكەتتىڭ زور قولداۋى, اگرو­تەحنيكالىق شارالاردىڭ ءتيىم­دى قولدانىلۋى ارقاسىندا ءوڭىر­دە ازىق-ت ۇلىك قاۋىپسىزدىگىن قام­تاماسىز ەتۋدىڭ شارالارى جان-جاقتى قاراستىرىلىپ كە­لەدى. بۇگىندە وبلىس اۋماعىندا 861 اۋىل­شارۋاشىلىق كاسىپورنى, 3653 سەرىكتەستىك پەن شارۋا قوجا­لىعى, جالپى سىيىمدىلىعى 6,6 ميلليون توننانى قامتيتىن 52 استىق قابىلداۋ ورنى جۇمىس ءىس­تەي­دى. اۋىلشارۋاشىلىق ءونىم­دە­رىن قايتا وڭدەۋ باعىتىندا دا يگى ىزدە­نىستەر, جەمىستى ىستەر از ەمەس. جىل باسىنان بەرى 1,1 ميلليارد تەڭ­گەنىڭ 11 جوباسى پايدالانۋعا بە­رىلىپ, 131 جاڭا جۇمىس ورىندارى اشىلدى. 1 ميلليون 46 مىڭ توننا اۋىلشارۋاشىلىق ونىمدەرى ەكسپورتتالىپ, سىرتقى نارىق كوكجيەگى كەڭەيە ءتۇستى. كۇزگى وراق ناۋقانى قىردا ەگىن وسىرگەن ديقان قاۋىمىنىڭ ماڭداي تەرىنىڭ, قاجىرلى ەڭبەگىنىڭ جەمىسىن اقتاپ, كۇش بىرىكتىرسە, الىنبايتىن اسۋدىڭ جوقتىعىن, ورتاق ماقسات جولىندا تولىمدى تابىستارعا جەتۋگە بولاتىنىن تاعى ءبىر مارتە دالەلدەپ بەردى. گەكتار بەرەكەلىلىگىن 21,7 تسەنتنەردەن اينالدىرعان اققايىڭ اۋدانى جەڭىمپاز رەتىندە تانىلىپ, 15 ميلليون تەڭگەنىڭ سەرتيفيكاتىن يەلەندى. ماعجاندىقتارعا 10 ميلليون تەڭگەنىڭ, جامبىلدىقتارعا 5 ميلليون تەڭگەنىڭ سەرتيفيكاتى تارتۋ ەتىلدى. كەڭ دالانى ەڭبەك دۇبىرىنە بولەپ, اگروونەركاسىپ سالاسىنىڭ دامۋىنا ءوز ۇلەستەرىن قوسقان ءبىر توپ مەحانيزاتور, كومباينشىعا «ەڭبەك ارداگەرى», «اۋىل شارۋاشىلىعىنىڭ ۇزدىگى» مەدالدارى مەن توسبەلگىلەرى, قۇرمەت گراموتالارى مەن العىس حاتتار تابىستالدى. – بيىل ۇكىمەت تاراپىنان 800 ميلليون تەڭگە سۋبسيديا ءبولىندى. 877 ميلليون تەڭگە ينۆەستيتسيا تارتىلدى. «استراحانسكوە» جشس ونىمدىلىكتى 35 تسەنتنەردەن اسىرىپ, رەكوردتىق ءونىم الدى,–دەدى سويلەسكەنىمىزدە اققايىڭ اۋدانى اكىمىنىڭ ورىنباسارى ەركىن جاقىپوۆ. قوشەمەتكە بولەنگەندەردىڭ ءبىرى «مامبەتوۆ جانە ك» كومانديتتىك سەرىكتەستىگىنىڭ مەحانيزاتورى ارداق ساعيتوۆ اۋىل شارۋاشىلىعى سالاسىنا 31 جىل عۇمىرىن ارناپ, ماڭداي تەرىن توگىپ كەلەدى. بۇرىندارى «نيۆا», «ەنيسەي» كومبايندارىن تىزگىندەسە, ەندى «ەسىل-763» تەحنيكاسىن ۇرشىقشا ۇيىرەدى. كوستانايدا شىعارىلاتىن بۇل كومبايننىڭ ارتىقشىلىقتارى كوپ. ەڭ باستىسى, تەرىسكەيدىڭ اۋا رايىنا لايىقتالىپ جاسالعان, دەيدى ول. جامبىل اۋدانى «نتس-اگرو» سەرىكتەستىگىندە باس اگرونوم قىزمەتىن اتقاراتىن ساكەن قايىرجانوۆ جاستار اۋىلعا كوپتەپ كەلسە, اعا بۋىننىڭ ءىزىن باسىپ, جولىن جالعاستىرسا دەگەن يگى تىلەگىن جەتكىزدى. ءومىر ەسقالي, «ەگەمەن قازاقستان» سولتۇستىك قازاقستان وبلىسى