قونىس تويلار كوبەيەدى

بۇگىندە ەلدىڭ باستى ماسەلەسى  باسپانالى بولۋ عوي. سوڭعى جىلدارى مەملەكەتىمىزدىڭ سەرپىندى دامىپ, تۇرعىن ۇيمەن قامتۋ باعدارلامالارىنىڭ جۇزەگە اسىرىلۋىمەن حالقىمىزدىڭ پاتەرلى بولۋعا دەگەن سەنىمى كۇشەيدى. ەلباسى قازاقستاندىقتاردى قولجەتىمدى باسپانامەن قامتاماسىز ەتۋدى باستى مىندەت ەتىپ قويعانى بەلگىلى. «بايتەرەك دەۆەلوپمەنت» اق باسقارۋشى ديرەكتورى اسىلجان قۇرتاەۆتىڭ ايتۋىنا قاراعاندا, بۇل مەكەمەگە كرەديتتىك جانە جالعا بەرىلەتىن تۇرعىن ۇيلەر سالۋ باعىتى بويىنشا 113 ملرد تەڭگە قاراجات ءبولىنىپتى. تاعى 67 ملرد تەڭگە قوعامعا جەرگىلىكتى اتقارۋشى ورگاندار ارقىلى تۇرعىن ءۇي نىساندارىنىڭ قۇرىلىسىن قارجىلاندىرۋ ءۇشىن جۇمسالادى. بۇگىنگى كۇنى «بايتەرەك دەۆەلوپمەنت» اق تاراز قالاسىندا 395 پاتەر سالۋعا جەكە قۇرىلىس سالۋشىلارمەن 5 ينۆەس­تيتسيالىق شارت جاساستى. ءسويتىپ, 2016-2017 جىلدارى بۇل مەكەمە جامبىل وبلىسىندا 22,5 مىڭنان استام شارشى مەتر تۇرعىن ۇيلەردىڭ قۇرىلىسىن سالۋدى جوسپارلاپ وتىر. قازىر تاراز قالاسىنىڭ «اراي» تۇرعىن ءۇي ماسسيۆىندە التى كوپ پاتەرلى تۇرعىن ءۇيدىڭ ءبىرىنىڭ قۇرىلىسى اياقتالۋدا. بۇل ۇيلەر وسى قاراشا ايىنىڭ سوڭىنا دەيىن پايدالانۋعا بەرىلەدى. سونداي-اق, جەلتوقسان ايىندا تاعى 80 وتباسى مەملەكەتتىك باعدارلاما بوي­ىن­­شا سالىنعان جاڭا پاتەرلەرگە قو­نىس­تانباق. ال 2017 جىلدىڭ ءبىرىنشى جارتىجىلدىعىندا وسى شاعىن اۋداندا تاعى 315 پاتەردىڭ قۇرىلىسىن اياقتاۋ جوس­پارلانىپ وتىر. ارينە, وسىناۋ جاپ-جاڭا باسپانالاردا ەلدىڭ قۋانىشى, جاڭا پاتەرگە يە بولعان قانشاما وتباسىنىڭ نەمەسە قانشاما جانداردىڭ باتاسى, باقىتى, العىسى جاتقانى انىق. ەندەشە, ەلىمىزدە قونىس تويلار كوبەيە بەرگەي. ورالحان ءداۋىت, «ەگەمەن قازاقستان» جامبىل وبلىسى