قوعامداعى كەلىسىمگە ارنالعان سەمينار

اقتاۋ قالاسىندا قازاقستان رەسپۋبليكاسى پرەزيدەنتى جا­نىنداعى «قوعامدىق كەلىسىم» رەسپۋبليكالىق مەملەكەتتىك مەكەمەسى مەن ماڭعىستاۋ وبلىسىنىڭ قازاقستان حالقى اسسام­بلەياسىنىڭ ۇيىمداستىرۋىمەن قازاقستاندىق تاتۋلىق پەن كەلىسىم ۇلگىسىن ىلگەرىلەتۋ بويىنشا وڭىرلىك سەمينار ءوتتى. ونىڭ كوزدەگەن ماقساتى – «100 ناقتى قادام» ۇلت جوسپارىن جانە اسسامبلەيانىڭ «ۇلكەن ەل – ۇلكەن وتباسى» جوباسىن جۇزە­گە اسىرۋ اياسىندا قوعامدىق كەلى­سىم مەن تۇراقتىلىقتى قامتا­ماسىز ەتۋ ماسەلەلەرى بويىنشا تىڭداۋشىلاردىڭ كاسىبي ءبىلىمى مەن بىلىكتىلىك دەڭگەيىن ارتتىرۋ. بۇعان دەيىن اقتوبە, وڭتۇستىك قازاقستان, الماتى, جامبىل, شى­عىس قازاقستان وبلىستارىندا ءوتىپ, ماڭعىستاۋ وڭىرىندە جالعاسىن تاپقان سەمينارعا مەملەكەتتىك قىزمەتكەرلەرمەن بىرگە, باق وكىلدەرى, ەتنو-مادەني جانە ءدىني بىرلەستىكتەردىڭ, ءتۇرلى قوعامدىق ۇيىمداردىڭ, اسسامبلەيا جانىنان قۇرىلعان «قوعامدىق كەلىسىم» كەڭەستەرى مەن انالار كەڭەستەرىنىڭ وكىلدەرى قاتىستى. – سەمينار اياسىندا ءاربىر ءوڭىر­دىڭ ەتنودەموگرافيالىق, ءما­دە­ني, مەنتاليتەتتىك, شارۋاشىلىق-ەكونوميكالىق, الەۋ­مەتتىك دامۋىنداعى ەرەكشەلىكتەردى ەسكەرە وتىرىپ, تاقىرىپتاردى وڭىردەگى وزەكتى دەگەن ماسەلەلەرگە باعىتتاپ قويامىز. جالپى, سەميناردا قوعامدىق كەلىسىمدى قامتاماسىز ەتۋ تەتىكتەرى, مەملەكەتتىك ساياساتتى جۇزەگە اسىرۋ, ەتنوسارالىق جانە كونفەسسياارالىق قاتىناستاردى, كوشى-قون ۇدەرىستەرىن رەتتەۋ ءما­سەلەلەرى, سونداي-اق ءدىني ەكسترەميزممەن, تەرروريزممەن كۇرەس, ولاردىڭ الدىن الۋ تاقىرىپتارى, حالىقتىڭ الەۋمەتتىك ماسەلەلەرىن شەشۋ, اۋىلدىق ەلدى مەكەندەردى دامىتۋ ماسەلەلەرى جانە «ءماڭ­گىلىك ەل» يدەياسىن ۇعىندىرۋ تا­قىرىپتارى قامتىلۋدا, دەيدى قازاقستان پرەزيدەنتى جانىنداعى «قوعامدىق كەلىسىم» رمم ديرەك­تورىنىڭ ورىنباسارى ت.جاقيانوۆ. قازاقستان حالقى اسسامبلەياسى حاتشىلىعىنىڭ, دەنساۋلىق ساق­تاۋ جانە الەۋمەتتىك دامۋ مي­نيسترلىگىنىڭ, قازاق­ستان مۇ­سىل­ماندارى ءدىني باسقار­ما­سىنىڭ وكىلدەرى مەن عالىمدار ءدارىس بە­­رەتىن سەميناردا وڭىرلەردىڭ ەرەكشەلىكتەرىمەن بىرگە پروبلەمالارى دا تالدانىپ, ولاردى شەشۋ جولدارى قاراستىرىلدى. ينۆەستيتسيالىق تارتىمدىلىعى جوعارى, وتاندىق جانە شەتەلدىك كومپانيالار كوپتەپ قىزمەت ەتەتىن ماڭعىستاۋ وڭىرىندە سۇرانىسقا يە ەڭبەك قاتىناستارىن رەتتەۋگە قاتىستى دارىستەردى اسسامبلەيا جانىنان قۇرىلعان مەدياتسيا ينستيتۋتى مەدياتورلارى وقىپ, مەدياتيۆتىك تەحنولوگيانىڭ ءادىس-تاسىلدەرىن, قاعيدالارىن ۇيرەتتى. سەمينار قورىتىندىسىندا ءوڭىردىڭ ماسەلەلەرى پەن پروبلەمالارى انىق­تالىپ, ولاردى شەشۋ جولدارى ىزدەستىرىلىپ, پرەزيدەنت اكىم­شىلىگىنە حات جولداندى. وسىلايشا, سەمينار ناتيجەسىندە انىقتالعان ءىستى جوعارى دەڭگەيدە شەشۋ ءمۇم­كىندىگى بار. لەكتورلار مازمۇندى دا قى­زىقتى دارىستەرىن جاستار ساياساتى ورتالىعىندا, وقۋ ورىندارىندا وقىپ, جاڭاوزەن قالاسى اكتيۆىمەن كەزدەسۋ وتكىزدى. ءبىر اپتا بويى ماڭعىستاۋ وڭىرىندە بولعان ولار ساراپشىلار مەن جاستار تاراپىنان قويىلعان ءتۇرلى ساۋالدارعا جاۋاپ بەرىپ, ءوڭىردىڭ الەۋمەتتىك-ەكونوميكالىق احۋالى مەن جالپى قوعامدىق جاعدايىن زەردەلەي ءتۇستى. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى