باستى ماقسات – بالانى ەرتە دامىتۋ

كەشە ورتالىق كوممۋنيكاتسيالار قىزمەتىندە ەلىمىزدەگى بالالاردى ەرتە جاستان دامىتۋ ماسەلەلەرىنە ارنالعان ءباسپاسوز ءماسليحاتى ءوتتى. وعان پارلامەنت ءماجىلىسىنىڭ دەپۋتاتى جانە قازاقستانداعى بالا قۇقىقتارى جونىندەگى ۋاكىل زاعيپا باليەۆا, دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتىنىڭ ديرەكتورى اجار تولەعاليەۆا, بۇۇ قازاقستانداعى بالالار قورىنىڭ (يۋنيسەف) وكىلى يۋري وكساميتنىي قاتىستى. جيىندا سپيكەرلەر «دامىتۋ ماقساتىنداعى كۇتىم» اتتى بالالاردى ەرتە جاستان دامىتۋدىڭ بىرلەسكەن باعدارلاماسىن كۇشەيتۋ ءۇشىن دايىنداعان ادىستەمەلىك قۇرالداردىڭ ازىرلەنگەنىن ايتتى. – بۇگىن ءبىز «دامىتۋ ماقساتىن­داعى كۇتىم» اتتى ناۋقانىمىزدى كۇشەيتۋگە باعىتتالعان جاڭا جانە جاڭارتىلعان ماتەريالداردى ۇسىنىپ قانا قويماي, بارلىق مۇددەلى تاراپتاردى اتالعان شا­راعا قاتىسۋعا شاقىرامىز, – دەدى يۋري وكساميتنىي. جالپى, ادامنىڭ ميى دۇنيەگە كەلگەن ساتتەن باستاپ, 3 جاسقا دەيىن اس­قان شاپشاڭدىقپەن داميدى, ءارى مۇنداي قۇبىلىس ادام ومىرىندە ەكىنشى رەت قايتالانبايتىنى مەديتسينادا دالەلدەنگەن. اجار توراعاليەۆانىڭ ايتۋىنشا, وسى ۋاقىتتا ەرەسەكتەر بالانىڭ دامۋىنا مەيلىنشە كوپ ۋاقىت جانە كوڭىل ءبولۋى ءتيىس. ياعني, اتا-انالار بالالاردى ەرتە جاستان باستاپ سالاۋاتتى جولمەن دامىتۋعا, سپورتپەن شۇعىلدانۋىنا, دەنساۋلىعىن كۇتۋىنە, تاماقتاندىرۋعا, قام­قورلىق كورسەتۋگە, قاۋىپسىز ورتا قالىپتاستىرۋ جانە ەرتە جاستان وقىتىپ-ۇيرەتۋگە مىندەتتى. – ەرتە بالالىق شاق – دەن­ساۋ­لىقتىڭ, امان-ساۋلىقتىڭ, دا­مۋ مەن ءبىلىم الۋداعى تابىس­تى­لىقتىڭ, سونىمەن قاتار, مىنەز-ق ۇلىق تۇرلەرىنىڭ نەگىزىن قالايتىن ادام ومىرىندەگى ەڭ ماڭىزدى كەزەڭ, – دەدى اجار تورەعاليەۆا. ءباسپاسوز ءماسليحاتىندا سپيكەرلەر ەلىمىزدەگى بالالاردى ەرتە دامىتۋدىڭ جان-جاقتى تاسىلدەرىن تىلگە تيەك ەتتى. جيىن سوڭىندا «دا­مىتۋ ماقساتىنداعى كۇتىم» ناۋ­قانى رەسپۋبليكا كولەمىندە ءجۇ­زەگە اسىپ, ناقتى ناتيجە بەرەدى دەگەن بولجام ايتىلدى. تالعات رايىمبەك, «ەگەمەن قازاقستان»