قازاق كۇرەسى فەدەراتسياسى ارنايى سەرتيفيكات الدى

قازاق كۇرەسى قر دەنەشىنىقتىرۋ-سپورتتىق ۇيىم رەتىندە مويىندالدى. بۇل تۋرالى قر پرەزيدەنت جانىنداعى قسزي ديرەكتورى ەرلان قارين ءوزىنىڭ الەۋمەتتىك جەلىدەگى پاراقشاسىندا مالىمدەدى. الداعى جىلى الەم بارىسىن وتكىزۋدى جوسپارلاپ وتىرعان قازاق كۇرەسى فەدەراتسياسى بۇگىن ۇلتتىق وليمپيادا كوميتەتىنىڭ ارنايى سەرتيفيكاتىن الدى. «بۇگىن ۇلتتىق سپورتىمىزدا ەلەۋلى كۇن. قازاقستان رەسپۋبليكاسى قازاق كۇرەسى فەدەراتسياسى رەسمي تۇردە ۇلتتىق وليمپيادا كوميتەتىنىڭ تانۋ تۋرالى سەرتيفيكاتىن الدى. وسىلايشا فەدەراتسيا ۇلتتىق سپورت ءتۇرى بويىنشا قازاقستان رەسپۋبليكاسىنىڭ دەنە شىنىقتىرۋ-سپورتتىق ۇيىمى رەتىندە تانىلدى. بۇگىن ۇلتتىق وليمپيادا كوميتەتىنىڭ وتىرىسىندا اتالمىش ۇيىمنىڭ اتقارۋشى ديرەكتورى سەرىك قاسقاباسوۆ تانۋ تۋرالى سەرتيفيكاتتى قر قازاق كۇرەسى فەدەراتسياسىنا تابىستادى. بۇل ءتول سپورتىمىزدى جاڭا دەڭگەيگە كوتەرۋدەگى تاعى ءبىر يگى قادام. وتاندىق سپورتتى كوتەرۋدە جانە ونى حالىقارالىق ارەنادا بەدەلىن ارتتىرۋعا جۇمىس ىستەپ جاتقان وليمپيادا كوميتەتىنىڭ قولداۋى ۇلتتىق كۇرەسىمىزگە جاڭا قارقىن بەرمەك» - دەپ جازادى ەرلان قارين.