پرەزيدەنت ستيپەندياسىنا وزگەرىس ەنگىزىلدى

ەلباسى نۇرسۇلتان نازارباەۆ مادەنيەت سالاسىندا مەملەكەتتىك ستيپەنديالار تاعايىنداۋ تۋرالى جارلىققا وزگەرىستەر ەنگىزدى. بۇل تۋرالى اقوردانىڭ ءباسپاسوز قىزمەتىنەن حابارلادى. «مادەنيەت سالاسىندا مەملەكەتتىك ستيپەنديالار تاعايىنداۋ تۋرالى» قازاقستان رەسپۋبليكاسى پرەزيدەنتىنىڭ 2000 جىلعى 3 ساۋىردەگى № 369 جارلىعىنا وزگەرىستەر ەنگىزۋ تۋرالى قاۋلى ەتەمىن: 1. «مادەنيەت سالاسىندا مەملەكەتتىك ستيپەنديالار تاعايىنداۋ تۋرالى» قازاقستان رەسپۋبليكاسى پرەزيدەنتىنىڭ 2000 جىلعى 3 ساۋىردەگى № 369 جارلىعىنا (قازاقستان رەسپۋبليكاسىنىڭ ءپۇاج-ى, 2000 ج., № 18, 185-قۇجات) مىناداي وزگەرىستەر ەنگىزىلسىن: تاقىرىبى مىناداي رەداكتسيادا جازىلسىن: «قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ مادەنيەت سالاسىنداعى مەملەكەتتىك ستيپەندياسىن تاعايىنداۋ تۋرالى»; 1, 2-تارماقتار مىناداي رەداكتسيادا جازىلسىن: «1. قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ مادەنيەت سالاسىنداعى جىل سايىنعى 75 مەملەكەتتىك ستيپەندياسى ايىنا 20 ەسەلەنگەن ايلىق ەسەپتىك كورسەتكىش مولشەرىندە تاعايىندالسىن. 2. قازاقستان رەسپۋبليكاسىنىڭ ۇكىمەتى قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ مادەنيەت سالاسىنداعى مەملەكەتتىك ستيپەندياسىنا ۇسىنىلاتىن ادامداردىڭ قاجەتتىگىنە قاراي جاڭارتىلىپ وتىراتىن دەربەس قۇرامىن جىل سايىن بەكىتۋگە ۇسىنسىن.». 2. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن.نازارباەۆ استانا, اقوردا, 2016 جىلعى 15 قاراشا № 370