استانادا 5 جىلدا 100 مىڭ پاتەر سالىنباق

مەملەكەتتىك باعدارلامالار اياسىندا جانە جەكە ينۆەستيتسيالار ارقىلى سالىناتىن بارلىق جوبالاردى ەسەپكە العاندا الداعى 5 جىلدا استانادا 10 ملن ش.م. استام تۇرعىن ءۇي سالۋ كوزدەلىپ وتىر. بۇل 100 مىڭنان استام پاتەر. بۇل تۋرالى بۇگىن استانا اكىمى اسەت يسەكەشەۆ تۇرعىن ءۇي قۇرىلىسىن دامىتۋ ماسەلەسى بويىنشا قۇرىلىس كومپانيالارى وكىلدەرىمەن كەزدەسۋ بارىسىندا مالىمدەدى. "جىلىنا ورتا ەسەپپەن 2 ملن. م2 تۇرعىن ءۇي سالىناتىن بولادى. اعىمداعى جىلدىڭ 10 ايىنىڭ قورىتىندىسى بويىنشا استانادا 1807 مىڭ م2 تۇرعىن ءۇي نەمەسە 16 671 پاتەر پايدالانۋعا بەرىلدى. بۇل بىلتىرعى جىلدىڭ سايكەس كەزەڭىندەگى كورسەتكىشتەن 130%-عا ارتىق. بۇل رەتتە, بيۋدجەت قاراجاتى ەسەبىنەن جالپى اۋدانى 189 مىڭ م2 بولاتىن 2 500 پاتەر تاپسىرىلدى", دەپ حابارلايدى ەلوردا اكىمدىگىنىڭ ءباسپاسوز قىزمەتىنەن. قازىرگى ۋاقىتتا 273 كوپ پاتەرلى, كوپ قاباتتى جانە از قاباتتى كوممەرتسيالىق تۇرعىن ۇيلەردىڭ قۇرىلىسى ءجۇرىپ جاتىر. ولاردىڭ جالپى اۋدانى - 7 ملن. 246 مىڭ م2 (بۇل 75 مىڭعا جۋىق پاتەر),  281 مىڭ م2 (85 مىڭ پاتەر) جوبالانۋ كەزەڭىندە. سونىمەن قاتار, ىسكە اسىرىلىپ جاتقان باعدارلامالاردىڭ شەڭبەرىندە بيۋدجەت كوزدەرىن تارتۋ ارقىلى جالپى اۋدانى 1 ملن. 400 مىڭ م2, پاتەر سانى  23 مىڭ بولاتىن 37 تۇرعىن ءۇي كەشەنىنىڭ قۇرىلىسى جۇرگىزىلۋدە. «19 جىل ىشىندە استانادا 17 ملن. شارشى مەتر تۇرعىن ءۇي پايدالانۋعا بەرىلدى. ۇستىمىزدەگى جىلى ءبىز تاعى 2 ميلليون م2 استام باسپانانى تاپسىرۋدى جوسپارلاپ وتىرمىز. تۇرعىن ءۇي قۇرىلىسى كولەمىنىڭ جىل سايىنعى ءوسىم قارقىنى مەملەكەت باسشىسى بەرگەن تاپسىرمالاردىڭ شەڭبەرىندە مەملەكەتتىك قولداۋ باعدارلامالارىن ىسكە اسىرۋدىڭ ارقاسىندا ساقتالىپ وتىر. ءبىز الەمنىڭ جاھاندىق قالالارىنىڭ دامۋ تاجىريبەسىن زەرتتەپ, الداعى پەرسپەكتيۆالارىنىڭ جانە نەگىزىنەن قالانىڭ باعدارلامالىق قۇجاتىندا ىسكە اسىرۋ جولدارىنىڭ كەشەندى كورىنىسى ازىرلەندى. قالانىڭ كەلەشەكتەگى دامۋى ەكولوگيالىق تازا تەحنولوگيالاردى جانە قوعامدىق كەڭىستىكتەردى ۇيلەسىمدى اباتتاندىرۋدى ءوزارا بايلانىستىرۋ ارقىلى قاراستىرىلۋدا», - دەپ اتاپ كورسەتتى استانا اكىمى اسەت يسەكەشەۆ.