تەلەارنالاردا الەۋمەتتىك جارنامانى تەگىن كورسەتۋ ۇسىنىلدى

قر ۇلتتىق ەكونوميكا مينيسترلىگى تەلە جانە راديوارنالارعا الەۋمەتتىك جارنامانى تەگىن كورسەتۋ مىندەتىن زاڭنامالىق تۇرعىدا بەكىتۋدى ۇسىنىپ وتىر, دەپ xابارلايدى قازاقپارات. مۇنداي نورمالار جارناما ماسەلەلەرى بويىنشا كەيبىر زاڭنامالىق اكتىلەرگە وزگەرتۋلەر مەن تولىقتىرۋلار ەنگىزۋ تۋرالى زاڭ جوباسىندا قاراستىرىپ وتىر. "زاڭ جوباسى تەلە, راديوارنالارعا ايلىق تاراتىلىم كولەمىنىڭ 1%-نان كەم ەمەس (تاۋلىگىنە 14,4 مينۋت) بولاتىن الەۋمەتتىك جارنامانى تەگىن ترانسلياتسيالاۋ مىندەتىن ەنگىزۋدە", - دەدى ۇلتتىق ەكونوميكا ۆيتسە-ءمينيسترى ايدار اريفxانوۆ قر پارلامەنتى ماجىلىسىندە اتالمىش زاڭ جوباسىن تانىستىرۋ كەزىندە. بۇل تالاپتى ورىنداۋعا مىندەتتى تەلەارنالارعا:  قازاقستان, حابار, حابار 24, بالاپان, ءبىلىم جانە مادەنيەت, قازسپورت, ەۋرازيا ءبىرىنشى ارناسى, استانا, كتك, مير, نتك, 31 ارنا, 7 ارنا, ستۆ, الماتى ارنالارى جاتقىزىلىپ وتىر. روليكتەردى ورنالاستىرۋشى قۇزىرلى ورگان قر اقپارات جانە كوممۋنيكاتسيالار مينيسترلىگى بولماق. زاڭ جوباسىنىڭ تانىستىرىلىمىنا قاتىسۋشىلار وسىعان قاتىستى ءوز ۇسىنىستارىن ايتتى. "مىسالى, بىزدە تاۋلىگىنە 19 ساعاتتىق شىعارىلىم بولادى. ءبىز كەشە ساناپ شىقتىق, 30 سەكۋندتىق روليكتى كۇنىنە 23 رەت تاراتۋىمىز كەرەك ەكەن. جەكە مەنشىك كانالدار ءۇشىن بۇل مۇمكىن ەمەس. تىم كوپ. بىزدە ۇسىنىس - تاراتىلىم كولەمىنەن ەمەس, جارنامالىق ۋاقىتتىڭ 1 پايىزىنا سايكەس كەلەتىن كولەمدى الايىق. سول كەزدە كۇنىنە 4-5 رەت الەۋمەتتىك روليكتەردى كورسەتىلەدى", - دەپ اتاپ ءوتتى "استانا" تەلەارناسىنىڭ باس ديرەكتورى ءلاززات تانىسباي. سونىمەن قاتار زاڭ جوباسى بويىنشا, جارنامالارداعى تاۋاردىڭ باعاسىن تەك تەڭگەدە كورسەتۋ تۋرالى تالاپ قاراستىرىلىپ وتىر. سونداي-اق بيولوگيالىق بەلسەندى قوسپالاردى جارنامالاۋ تالاپتارىن بۇزۋعا قاتىستى جاۋاپكەرشىلىك تە قاتاڭداتىلماق.