وقو-دا تەحنيكالاردىڭ قىسقا دايىندىعى تەكسەرىلدى

وڭتۇستىك قازاقستان وبلىسى اكىمىنىڭ ورىنباسارى جاقىپ بوكەنباەۆ «قىس-2016» رەسپۋبليكالىق كوماندالىق-شتابتىق وقۋ-جاتتىعۋ جۇمىستارىنا قاتىساتىن  «قازاقاۆتوجول» رمك وڭتۇستىك قازاقستان وبلىستىق فيليالىنداعى جول تەحنيكالارىنىڭ قىس مەزگىلىنە دايىندىعىن تەكسەردى, دەپ حابارلايدى وبلىس اكىمدىگىنىڭ ءباسپاسوز قىزمەتى. بۇل جۇمىستارعا وقو تجد باسشىسى ن.دەربيسوۆ, دەپارتامەنت باستىعىنىڭ ورىنباسارى, پولكوۆنيك ب.سوپبەكوۆ پەن جول-پاترۋلدىك پوليتسياسىنىڭ قىزمەتكەرلەرى دە قاتىستى. ءىس-شارانىڭ ماقساتى - قىس مەزگىلىنە ينەرتتى ماتەريالداردىڭ قورىن جانە قىس مەزگىلىندەگى توتەنشە جاعدايلاردا اۆاريالىق-قۇتقارۋ جۇمىستارىنا جول-پايدالانۋ تەحنيكالارىنىڭ دايىندىعىن تەكسەرۋ, ارنايى تەحنيكانىڭ جۇمىسقا جارامدىلىعىن جانە تەحنيكالىق جاعدايىن انىقتاۋ, وبلىستىق اسۋلاردا ورنالاسقان جىلىتۋ پۋنكتتەرىنىڭ دايىندىعىن كورىپ شىعۋ بولىپ تابىلادى. ايتا كەتۋ كەرەك, «قازاقاۆتوجول» رمك وڭتۇستىك قازاقستان وبلىستىق فيليالىنىڭ قۇرامىنا بارلىعى 3 جول-پايدالانۋ باسقارماسى كىرەدى. جالپى تەحنيكانىڭ سانى 59 بىرلىك (شنەكوروتور, اۆتوساموسۆال, اۆتوگرەيدەر, بۋلدوزەر, پوگرۋزچيك ت.ب.). ولاردىڭ بارلىعى رەسپۋبليكالىق مانىزى بار اۆتوموبيل جولدارىندا جۇمىس جاساۋعا ارنالعان. سونداي-اق, باسشىلىق تاراپىنان ۋاقىتشا جول بەلگىلەرى دايىندالعان («تايعاق جول», «ماكسيمالدى جىلدامدىلىقتى شەكتەۋ» جانە ت.ب.). ولاردى رەسپۋبليكالىق مانىزى بار اۆتوجولداردا ورناتادى.