قانات يسلام: رەيتينگىم وسسە, لارا مەنەن قاشا المايدى

«مەن كانەلومەن دە, كوتتومەن دە كەزدەسۋگە دايىنمىن», - دەدى قانات يسلام nur.kz پورتالىنا بەرگەن سۇحباتىندا. اڭگىمەنى الماتىداعى وتكەن كاسىپقوي بوكس كەشىنەن باستاعان قانات: «بۇل جەكپە-جەك ماعان ۇلكەن تاجىريبە بولدى. مەنىڭ ماقساتىم الەم چەمپيونى بولۋ. سول ءۇشىن تەر توگىپ ءجۇرمىن. الەم چەمپيونى كىم؟ لارا, كوتتو, كانەلو. مەنىڭ بوكسپەن اينالىسقان ۋاقىتىم ولاردان ارتىق بولماسا كەم ەمەس. قازىر كەز-كەلگەنىمەن جۇدىرىقتاسۋعا دايىنمىن», - دەدى. سونداي-اق وسى بوكس كەشىنىڭ وتە جوعارى باعاعا يە بولعانىن دا اتاپ ءوتتى. «Golden Boy Promotions», «Top Rank Promotions» جانە دە كوپتەگەن پروموۋتەرلىك كومپانيالار بۇگىنگە دەيىن حابارلاسىپ, قازاقستاندا جەكپە-جەك ۇيىمداستىرۋعا ۇسىنىس ايتىپ جاتىر... 12 مىڭدىق ارەناعا 15 مىڭ ادامنىڭ كەلۋى, قاناشا ادامنىڭ دالادا كىرە الماي قالعانى مۇنىڭ ءبارى قازاقستاندىقتاردىڭ سپورتقا, بوكسقا دەگەن قىزىعۋشىلىعىنىڭ دالەلى» - دەدى ول. قانات اتالمىش بوكس كەشىنەن كەيىنگى ءىسىنىپ كەتكەن جۇدىرىعى جايىنداعى ساۋالعا: «بۇل بوكس. رينگ ءان ايتىپ, بي بيلەيتىن جەر ەمەس. رينگتە جان الىسىپ, جان بەرىسەسىڭ. قانشاما سپورتشىلار رينگتە جان تاپسىرعانىن بىلەسىزدەر. قانشاما بوكسشىلاردىڭ قولى سىنىپ, جەكپە-جەكتى توقتاتقان كەزدەرى دە بولعان. مەن 2-3 راۋندتا قولىمنىڭ اۋىرعانىن سەزدىم. بىراق رينگتە ونى ويلاۋعا مەندە مۇمكىندىك بولمادى. ماعان قانشاما قازاقستاندىقتار جانكۇيەر بولىپ وتىر. بۇلار نە ىستەي الادى دەپ الەم قاراپ وتىر. قولىم اۋىرماق تۇگىل, ەكى قولىم ءتۇسىپ قالسا دا ماعان شىداۋ كەرەك. بۇل جەردە ۇلتىمنىڭ ابىرويى مەن نامىسى تۇر. قول اۋىردى, بۇل سىلتاۋ ەمەس. كەيدە سوققىڭ شىنتاققا تيەدى, كەيدە باسسۇيەككە تيەدى.ءتۇرلى جارىستاردا ءارتۇرلى جاراقاتتار بولىپ تۇرادى. بۇل سولاردىڭ ءبىرى عانا. قولعاپتى جەكپە-جەك الدىندا ارنايى اقش پەن رەسەيدەن كەلگەن ماماندار تەكسەردى, حالىقارالىق تالاپتارعا ساي بولدى. بوكس سىلتاۋ ايتاتىن سپورت ەمەس», دەپ باتىل دا انىق جاۋاپ بەردى. قاناتتىڭ قارقىنى ۇدەپ تۇر. «بىزگە تۇرىپ قالۋعا, كوپ كۇتۋگە بولمايدى. چەمپيوندىق اتاق ءۇشىن بولماسا دا ماعان قازىر جەكپە-جەك قاجەت. سول اتاققا ءبىرتابان جاقىنداي بەرۋ كەرەك. وسى ۋاقىتقا دەيىن بىرنەشە رەت لاراعا جەكپە-جەككە شىعۋعا ۇسىنىس تاستادىق. باس تارتتى. ەگەر مەن رەيتينگتە جوعارىلاسام, وعان باس تارتۋعا مۇمكىندىك بولماي قالادى. سول ءۇشىن كوبىرەك جەكپە-جەك وتكىزىپ, رەيتينگتە جوعارىلاۋ كەرەك. تەك WBA ەمەس, بارلىق تۇجىرىم بويىنشا چەمپيون بولۋ كەرەكپىن. بۇل مەنىڭ ماقساتىم» دەدى اتالمىش سۇحباتتا. «الماتىدا وتكەن جەكپە-جەكتەن سوڭ WBA وكىلدەرى جەكپە-جەكتى ەسەپكە الماپتى» دەگەن اڭگىمەلەرگە بايلانىستى ساۋالعا ول: «بۇل بىزدەگى بوكس جانكۇيەرلەرىنىڭ دەڭگەيىنىڭ وسكەندىگى. كاسىپقوي بوكسقا دەگەن قىزىعۋشىلىق ارتقانىنىڭ بەلىگىسى. وسى جارىسىما WBA – ءدىڭ جاۋاپتى ادامى كەلدى. سالماق ولشەۋدە بەلبەۋدى ءوزى ۇستاپ تۇردى, جەڭگەن كەزىمدە رينگكە شىعىپ بەلىمە تاقتى. «WBA fedelatin» مەن ءۇشىن باعىنعان بەلەس. مەن ونىڭ چەمپيونىمىن. بىرنەشە رەت قورعادىم. ءتىپتى 90 كۇننىڭ ىشىندە كىم مەنى جەكپە-جەككە شاقىرادى ەكەن دەپ تە كۇتتىم. ەشكىم شاقىرمادى. بۇل بەلبەۋدى سۇيرەتىپ جۇرە بەرگىم كەلمەيدى. بۇل بەلبەۋ كەلەسى بيىككە كوتەرىلۋ ءۇشىن باسپالداق قانا. نەگىزگى ماقسات ءۇشىن جۇمىس جاساۋ كەرەكپىز» دەپ جاۋاپ بەرە كەلە, «وسى ورايدا ايتا كەتكىم كەلەدى, WBA-ءدىڭ بەلبەۋى ءۇشىن الاڭداپ, رەيتينگ سايتتا نەگە كورسەتىلمەگەن دەپ ۋايىمداعان جانكۇيەرلەرىمە, جۋرناليستەرگە, كاسىپقوي بوكس فەدەراتسياسىنىڭ ۆيتسە-پرەزيدەنتى ۆيكتور دەميانەنكو مىرزاعا العىسىم شەكسىز. وسىنداي جاناشىرلارىمنىڭ بارى ماعان ەرەكشە كۇش بەرەدى», -دەپ تۇجىردى ءسوزىن. قاشاندا جانكۇيەرلەرىن وزىنە وتە جاقىن سەزىنەتىن, سەزىندىرە دە بىلەتىن قاناتتىڭ بۇل جاۋابى نەشە ءجۇز مىڭداعان جانكۇيەرلەرىنىڭ دە ۇمىتتەرىن ۇكىلەپ, مەرەيلەرىن تاسىتىپ تاستارى انىق.