«ەگەمەن قازاقستان» باسشىسى قاراعاندى وبلىسىندا بولدى

كەشە قاراعاندى وبلىسىنىڭ اكىمى نۇرمۇحامبەت ابدىبەكوۆ وڭىرگە جۇمىس ساپارىمەن كەلگەن «ەگەمەن قازاقستان» رەسپۋبليكالىق گازەتى» اق باسقارما توراعاسى دارحان قىدىرالىنى قابىلدادى. كەزدەسۋ بارىسىندا  ەلىمىزدىڭ باس باسىلىمىندا بولىپ جاتقان وزگەرىستەر بارىسى جانە گازەت بەتىندە قاراعاندى ءوڭىرىنىڭ تىنىس-تىرشىلىگى تۋرالى ماتەريالداردىڭ كورىنىس تابۋى تۋرالى اڭگىمە بولدى. مۇنىڭ الدىندا «ەگەمەن قازاقستاننىڭ» باسشىسى قاراعاندى مەملەكەتتىك تەحنيكالىق ۋنيۆەرسيتەتىندە وقۋ ورنىنىڭ رەكتورى اكادەميك ارستان عازاليەۆ باستاعان پروفەسسور-وقىتۋشىلار قۇرامى جانە ستۋدەنتتەرمەن كەزدەسۋ وتكىزگەن بولاتىن. قاراعاندىلىق زيالى قاۋىم وكىلدەرى دە قاتىسقان بۇل كەزدەسۋ بارىسىندا جوعارى وقۋ ورنى مەن رەسپۋبليكالىق باق-تىڭ ارىپتەستىك ماسەلەلەرى ءسوز بولدى. شاراعا قاتىسۋشىلار دارحان قىدىرالىگە وزدەرىن قىزىقتىرعان ساۋالدارىن قويىپ, جان-جاقتى جاۋاپ  الدى. «ەگەمەن قازاقستان» گازەتىنىڭ باسشىسى قايتار جولدا تەمىرتاۋداعى «تۇڭعىش پرەزيدەنتتىڭ تاريحي-مادەني ورتالىعىنا» سوعىپ, ونداعى «قۇرمەت كىتابىنا» تىلەك جازىپ, قولتاڭبا قالدىردى. قايرات ءابىلدينوۆ, "ەگەمەن قازاقستان". قاراعاندى وبلىسى