باسپانالى بولۋ باقىتى

وبلىس ورتالىعىنداعى «سارىارقا» شاعىن اۋدانىندا تاعى ءبىر جاڭا ءۇي بوي كوتەردى. بۇل جولى جاڭا پاتەرلەرگە 132 وتباسى يە بولدى. جارقىرعان پاتەردىڭ  كىلتتەرىن تاپسىرعان وبلىس اكىمى بولات باقاۋوۆ ۇيلەردىڭ قۇرىلىسى اياقتالعانىنا تۇرعىنداردىڭ وزدەرىنەن بەتەر قۋانعانىن ايتتى. ويتكەنى, «الليۋمينستروي» شا­عىن اۋدانىنىڭ بۇرىنعى تۇر­عىندارى قالادا 50-ءشى جىلدا­رى سالىنعان ەكى قاباتتى  ءاب­دەن توزىعى جەتكەن, اپاتتى ۇيلەردە تۇرىپ, مازالارى كەتكەن ەدى. سولتۇستىكتىڭ سۋىق قىسى باس­تالدى. تالاي  جىلدان بەرى بۇل جەرگە جاڭا ءۇي تۇرعىزۋ ماسەلەسى دە ءجيى ايتىلىپ ءجۇردى. سودان, وسىدان ءۇش-ءتورت جىل بۇرىن ەسكى ۇيلەردىڭ ورنىنا «سارىارقا» اتتى جاڭا تۇرعىن ءۇي كەشەنىنىڭ جوباسى جاسالدى. بۇل ماقساتتى ءىستى ۇكىمەت تە قولدادى. قازىر  تۇرعىن ءۇي كەشەنى قۇرىلىسى «2020 جىل­­عا دەيىن وڭىرلەردى دامىتۋ» باعدارلاماسى بويىنشا قار­قىندى تۇردە جۇرگىزىلۋدە. نە­گى­زى بۇل باستاما قازىرگى ۇكى­مەت باسشىسى باقىتجان سا­عىن­­تاەۆ وبلىستا اكىم بولىپ تۇر­­عان كەزدە قولعا الىنعانى بەل­گىلى. اسپانمەن تالاسا بوي كو­تە­رەتىن بيىك ۇيلەردىڭ جوبالاۋ جۇمىستارىن جۇرگىزۋگە, ين­جە­نەرلىك-كوممۋنيكاتسيالىق جە­لىلەر تارتۋعا قارجى دا ءبولىندى. ءسويتىپ, قازىر 160-قا جۋىق ەسكى, ەكى قاباتتى ۇيلەر بۇزىلىپ, ورنىنا جاڭا تۇرعىن ۇيلەر سالىنا باستادى. ءبىزدىڭ بۇگىن جازىپ وتى­رعانىمىز دا «سارىارقا» شا­عىن اۋدانىنداعى لوموۆ كو­شەسى 156/2 مەكەنجايىندا تۇر­عىزىلعان 3-ءشى 12 قاباتتى بيىك ءۇيدىڭ پايدالانۋعا بەرىلگەنى جاي­ىندا. ءبىرىنشى قاباتىندا كۇز­دە وبلىسقا جاساعان ساپارى كەزىندە ەلباسى ءوزى كورىپ تا­نى­سىپ شىققان  «بالالارعا ار­نالعان تەحنيكالىق مەكتەپ» ور­نالاسقان. –  قۋانىشىمدى سوزبەن جەت­كى­زۋ مۇمكىن ەمەس. ءتىپتى, كۇننىڭ سۋى­عى دا بىزگە بىلىنبەيدى قا­زىر. وسى ەسكى, قۇلايىن دەپ تۇر­عان  ۇيدە 30 جىل بويى تۇر­دىق. ارمانداعان جاڭا پاتەر ال­دىق, ۇيلەر قانداي بيىك, – دەي­دى جانگەلدى ەشىموۆ دەگەن تۇرعىن. – جانگەلدى ايتقانداي, ءبىز دە­ ەسكى ۇيدە 2 بولمەلى ءپا­تەر­دە­ 17 جىل تۇردىق. توزعان, ءاب­­­­­دەن مازامىز كەتتى. ءتىپتى, قور­­­قا­تىنبىز, قۇلاپ كەتە مە دەپ.­ ەن­دى,  مىنە, جاڭا ۇيدەن ءپا­­تەر الدىق. ءتاۋ­ەل­سىزدىكتىڭ 25 ­جىلدىعى, ەل بولدىق دەگەن وسى­.  راحمەت, ۇكى­مەت­كە, ەل­با­سىنا! دەدى زەينەتكەر حاۋا  كۇز­ەنباەۆا اپامىز. ايتسا ايتقانداي-اق, بۇل  ەسكى ۇيلەردە بارلىق قيىن جاع­دايلارعا شىداپ, تالاي جىل­دار تۇرىپ كەلگەن 1272 وتبا­سىنىڭ ءبارى دە  پاتەرلەرگە يە بولادى دەگەن ءسوز. تۇرعىندارعا بە­رى­لەتىن باسپانانىڭ اۋماعى ەس­كى پاتەرلەردىڭ كولەمىنە ءساي­كەس بولاتىنى ەسكەرتىلگەن. قۇ­رىلىس باستالاردان بۇرىن, تۇر­عىندار ۋاقىتشا باسقا جەرلەر­گە كوشىرىلگەن-ءدى. جاقسى ءىس جالعاسىن تاۋىپ جۇرتتى قۋا­نى­ش­قا بولەۋدە. قالا اكىمى نۇرجان ءاشىم­بە­توۆتىڭ ايتۋىنشا, بۇل اۋ­دان­داعى قالعان ەسكى ۇيلەر دە الداعى ۋاقىتتا ءسۇرىلىپ, سو­دان سوڭ  جاڭا ۇيلەر بوي كو­تە­رەدى. سونىمەن بىرگە,  «نۇر­لى جەر» باعدارلاماسى بوي­ىن­شا جەرگىلىكتى اكىمدىك بوس جەر تەلىمدەرىن ءۇي سالۋشى كوم­­پانيالارعا بەرە الادى. بي­ىل جازدا «سارىارقا» تۇر­عىن ءۇي كەشەنىنىڭ العاشقى كە­زەڭى پايدالانۋعا بەرىلىپ, جا­ڭا پاتەر كىلتىن 105 وتباسى ال­دى. وسىدان ءبىر ايداي عانا بۇ­رىن ش.شوكين كوشەسىندە ورنا­لا­سقان تاعى ءبىر جاڭا ۇيدەن 52 وتباسى پاتەر الدى. وبلىس اكىمى­نىڭ ايتۋىنشا, جالپى, ءوڭىر­دەگى تۇرعىنداردىڭ پاتەر الۋ­عا دەگەن قاجەتتىلىگىن ازايتۋ ماقساتىندا الداعى جىلدارى ءوڭىر ورتالىعىندا 22 جاڭا ءۇي سالىنادى دەپ جوسپارلانىپ وتىر ەكەن. «9 ءۇي كەشەنى وسى جىلدىڭ سوڭىنا قاراي پاي­دالانۋعا بەرىلەدى. بۇل – 900 وتباسى جاڭا پاتەرمەن قام­تا­ما­سىز ەتىلەدى دەگەن ءسوز», – دەدى ب. باقاۋوۆ. قازىر «سارىارقا» شاعىن اۋ­دانىندا جاڭا ۇيلەردىڭ قۇ­رى­لىسى قارقىندى ءجۇرىپ جا­تىر. جىل سوڭىنا دەيىن وسى اۋداندا تاعى دا 4 جاڭا ءۇي تۇرعىندار ەنشىسىنە بەرىل­مەك­شى. اۋدانداعى تۇرعىن ءۇي كەشەن­دەرى قۇرىلىسى اياق­تال­عان كەزدە 4 مىڭ وتباسى ءپا­تەر­مەن­ قامتاماسىز ەتىلەدى. فاريدا بىقاي, «ەگەمەن قازاقستان» پاۆلودار سۋرەتتى تۇسىرگەن ۆالەري بۋگاەۆ